بخصوص موضوع الخدم اللي توصلني رسايل العضوات على الخاص ( للتوضيح )

[rss]

بخصوص موضوع الخدم اللي توصلني رسايل العضوات على الخاص ( للتوضيح )
السلام عليكم ورحمة الله وبركاته ...

صار لي فتره طويييييييييييله ما دخلت المنتدى لأسباب خارج عن ارادتي وباذن الله لي عودة ان شاءالله للاقسام تابعووووني ... سامحوني على التقصير وان بدر مني شيء ..



بدخل موضوع الخدم .......

من فتره طويله كنت منزله موضوع في قسم ساعدوني : طلب خدامه بالساعات او بالشهري ...

فوحده من العضوات طرشت لي رقم شركة واتقول ما ياخذون شيء بس اللهم اعطيها الراتب فقط وانا متاكده الاخت اللي طرشت لي رقمهم اكيد ماعندها فكره عن الموضوع ..

.. المهم تعاملت ويالشركه واتصلت عليهم اللي ردت عليه من ال***ية الاثيوبيه !! .. وخبرتها اني ابغي خدامه مدة شهر !
قالت اوكي بطرش لج ياها ادفعي للدريول مبلغ 50 درهم توصيل !!
قلت لها مافي اوراق اي شيء رسمي !!
قالت لا ما يحتاج !!
انا هنيه شكيت فالموضوع بس مشيتها .. المهم يبتها (من نفس ال***يه ) وانا سبحان الله ما احب اتعامل وياله***يه ولكن كانت زينه ويوم كملت اسبوعين قالت لي بطلع يوم اجازه ! وهذا نظام الشركه (على قولتها ) ...

المهم يوم عرفو المقربين لي والاهل عن هالشركه اللي توفر الخدم بالشهري طلبو رقم الشركه .. وتعاملو وياهم ... يوم كملنا شهرين وازيد وانا بعدني شاكه فالموضوع .. لاني حاسه انه في شيءغلط !
حطيت احتمال في بالي وسبحان الله طلع شكي في محله .. كنت شاكه انهن مشردات ويشغلونهن .تحاورت ويالخدامه بطريقتي اقيس النبض واتاكدت انهن شاردات . وعرفت انهن يايات من اماره ثانيه يعني اغلبيتهن من بوظبي والعين ..

.
سبحان الله خليت الموضوع على اختي ... وقالت لازم انبلغ ..بلغنا عليهم وسولهم كمين .. طلعت شقق فالشارجه ميمعين الاف الخدم ويشغلونهن بالشهري على اساس انهن من الشركه ...

حسبي الله عليهم ان شاءالله ... هذيل شبكه الله يكفينا شر الخدم يارب ...

اسمحولي خواتي .. واسمحولي مشرفات القسم اذا كان الموضوع مش في محله ..

بس حبيت اوضح للخوات اللي يسالن عن الشركه ..صندووق الرسايل انترست وكلهن يسالن عن هالموضوع ..

وسامحوني خواتي

ونصيييييييييييييييييييييي ييييييييحه خواتي

اذا بغيتي خدامه تعاملي وياشركه موثوقه عن طريق الجرايد والمكاتب .. ولاااااااااااااا تعتمدين عليهم لازم يكون في رقابه عليهم ..

انا ولله الحمد صااااااااااااااااااااااار لي سنييييييييييييين ماعندي خدم .. وان يبت ماتكمل عندي (تعقدت منهم ) والله يعينكم والله ..

وسااااااااااااامحوني ..اختكم / ام عبدالله .