آه من قلب تحداني وحام

[rss]

آه من قلب تحداني وحام
آآهـ من قلبٍ تحــداني وحام

. . . . . . ابتـعـد عني ودونــه حــال غيـم



رغم ماعندي من اسراب الحمام

. . . . . . شافهـــا وأقفـى وخـــلاّني كظيم



ياصحاصيح الفيافي وين هام

. . . . . . أخــبرينـــي يـرحمـك ربــاً رحيم



وين ابعد . ماوراهـ إلا الظـلام

. . . . . . ياغـموض اللغــز ضيّعـت الفهيم



وانت يامن تلعب بقلبي حرام

. . . . . . يكفي التعـذيب مـــاني لك خصيم



ليه أسهر ليه حاربت المنام

. . . . . . ليــــه هــذا الهـم مـايــرحل مقيم



مدري من منّا يلام . ومايلام

. . . . . . ومــدري من منّا له الراي الحكيم



كلّـنا والكل مـنّـــا في هيــام

. . . . . .أشتكــي لك وانت تشكـي يـاوسيم



ياقمرنا أنت والغــيم اللثــام

. . . . . . يانســيم الصبــح والأجــواء ديـم



ياعيون اللي مضى له حول عام

. . . . . . العــديم اللي على كــف العــــديم



اشقراً وان هـدّ قالوا ياسلام

. . . . . . صفقوا لــه واذكـروا رباً عظــيم



يبتدي بالخِرب مافيها كلام

. . . . . . شرس في طبعه وطبعه مستديم



انتهض راعيه من كرسيه قام

. . . . . . من ظهر مكشوف ماجاه اللحيم



يعجبك في وقفته عند الخيام

. . . . . . وتلعن الشيطان وابليس الرجيم



مادخل وسط المدينه والزحام

. . . . . . أرضـه المقـناص والدرب القديم



من تويوتا. كل مـابه له نظام

. . . . . . مايجيبه غـير من عــاش بنعيم



وسائقه ان قـام بلّغك المـرام

. . . . . . بالغــراز وبالـوعر ماهو غشيم



بالقيادة ماخذن افضل وسام

. . . . . . الخطــأ مايقـربه أو ســين جــيم



كل هــذا الوصف يابـدر التمام

. . . . . . وكل هــذا الشـرح لجلـك يازعيم



أدري اني طفت ساحات الغرام

. . . . . . والسبب مافيــه مثلك بالحــريم



لكن اللي شفت ركّز بي سهام

. . . . . . والخبر يقهر ويضرب بالصميم



( الخبر؟) أحلامنا صارت حطام

. . . . . . لفّها أعصـار وصـارت كالرميم



والقضية شبه ماتت فـ الختام

. . . . . . ولجل نفسك سيّدي خلّك حليم



شعر/ فضي الهدباني