يـــــوميات هو وهي

[ahlam1399]

يـــــوميات هو وهي
يـــــوميات هو وهي (http://vb.3dlat.com/showthread.php?t=206052)


http://banatmisr.com/up3/uploads/1398372302261.jpg (http://vb.3dlat.com/showthread.php?t=206052)


مـــــساء الجمال
علي كل عدولة باللي معاه
يختي عليا اجنن والنبي

النهاردة الحلقه الاولي من يوميات هو هي


هو = احمد
وهي = سما

هو : انتي بتعملي ايه ؟

انا : بعيط بئه

هو : وبتعيطي ليه سيادتك

انا : ما انت شايف حمني مش راضي يبطل زن
وبعدين انا جعانه

هو : ههههههه قولي كدة بئه والجعان يعيط

انا : امال بيلطم يعني

هو : طب سكتي الواد ماله ليكون تعبان

انا : لا يا اخويا دا البيه بيعاندني
زعلان علشان ضربته

هو : نعم يختي ضربتي مين ؟

انا : حمني
مهو مش راضي يصحي

هو : لا دا انتي اتهبلتي رسمي
طب ابقي اعمليها تاني
والله لتنضربي
اتفضلي اعتذريله بئه

انا : هههههههه انضرب واعتذر
خد ابنك وامشوا من هنا

هو : حاااااااااضر ابقي ارجعي عيطي بئه

انا : احمد انت رايح فين
طب سيب الواد هيتعب

هو : اسكتي خالص

وبعــــــــــد شويه

انا : ع فكرة مينفعش كدة
وحد يشيل طفل كدة

هو : اسم النبي حارسك
انتي اللي فالحه اوي وبتعرفي تشيلي
امهات اخر زمن
جتك نيله عيله صحيح

انا : طب هات الواد

هو : لاء

انا : والنبي يا احمد هاته خلاص هتعذرله

هو : طب قولي ورايا

انا : ورايا

هو : هههههههههههه والنبي

قولي انا اسفه يا باشمهندس حمني
واول واخر مرة اقل ادبي عليك
وحرمت خلاص

انا : ع فكره انه امه عيب كدة

هو : ماليش فيه
ودا راجل مينفعش تزعله وتعيطيه كدة

انا : خلاص يا حمني انا اسفه بئه

هو : يالا عقاب ليكي انا جبتلك مجله ميكي



http://up.3dlat.com/uploads/3dlat.com_13984544581.jpeg (http://vb.3dlat.com/showthread.php?t=206052)


http://up.3dlat.com/uploads/3dlat.com_13984544582.jpeg (http://vb.3dlat.com/showthread.php?t=206052)
انا : الله بحبها اووووووي

هو : دي مش ليكي حضرتك
انتي زي الشاطرة كدة وبصوت واطي
هتحكي لحمني لحد ما ينام

انا : احكي لمين
وهو هيفهم بئه ويرد عليا

هو : اه
عجبك ولا اخده وانزل

انا : لا عاجبني
ربنا علي الظالم


بــــــــث خلاص
انتظرونا المرة الجاية بئه



ال**در: منتدى عدلات النسائي (http://vb.3dlat.com)