rss
03-20-2014, 08:33 AM
الاجهاض المتكرر ورفض الجسم للجنين - تحاليل المفروض نسويها
السلام عليكم ورحمة الله وبركاته
خواتي حابه اخبركم عن شي عرفته يمكن يساعد وحده فيكم وهي التحاليل المطلوبه في حاله الاجهاض المتكرر خصوصا فالاسابيع الاولى من الحمل او تأخر الحمل بدون سبب واضح
للأسف لان هالتحاليل مب كل الدكاتره يطلبونها وندخل في دوامه تحاليل هرمونات ومتابعه تبويض وانتظار ماله داعي ومحاولات بدون فايده لمجرد التجربه وتضيع الوقت
هالتحاليل تبين إذا الجسم يعامل جنين او حتى فالمراحل الاولى من البيويضه الملقحه على انها جسم غريب ويرفضه إما بقطع الدم عن المشيمه او مهاجمة البويضه الملقحه ويمنعها من الانغراس فالرحم
التحاليل هي وبكتبها بالانجليزي:
PROTEIN S
PROTEIN C ANTIGEN & ACTIVITY
METHYLENETETRAHYDROFO LATE REDUCTASE - MTHFR
FACTOR V MUTATION GENE - LEIDEN
FACTOR II MUTATION GENE
LUPUS ANTICOAGULANT
ANTI PHOSPOLIPID ANTIBODIES
HOMOCYSTENIE
ANTITHROMBIN III
أحينه بخبركم وين تسوين التحاليل:
هي غير مغطاه بثقه يتراوح سعرها حسب المراكز بين 3500 ل 6900 درهم سألت عليها في بوظبي في مركز كيور اللي فالبطين ومركز الخليج التخصصي بس حصلناهم في مستشفى الستي هوسبيتال في مدينة دبي الطبيه يقبلون ندفع 10% من قيمة التحاليل لحاملين بطاقة ثقه
بس بعدين اكتشفت ان ممكن نسويها في الحكومي مستشفى الكرنيش
او في اي عياده تابعه لمستشفى خليفه بعد ما اشوف دكتور طب اسره ويحولني على دكتوره نسائيه تكتبلي التحاليل
وكل المختبرات طرش عينه الدم أمريكا والنتيجه تكون بين 10 ايام لاسبوعين
أحينه إذا طلع شي من هالتحاليل ايجابي شو هو العلاج او الحل:
غالبا يكون جرعه عاليه من مسيل الدم على شكل ابره وهي الكلسان 40mg وحسب النتيجه إما ابره فاليوم أو ابرتين
في حالة الحمل الطبيعي يكون او ماتعرفين انج حامل بإذن الله
وفي حالة محاوله اطفال الانابيب يفضل بعد سحب البويضات
ونستمر على هالابر يوميا لين قبل الولاده إن شاء الله بفتره قصيره تحددها الدكتوره في حالة الولاده الطبيعيه او القيصريه وهالنصيحه خذيها من الدكتور نفسه
واحيانا ممكن اعطاء **** كورتيزون بجرعات معينه لتقليل مناعة الجسم وعدم اعتبار الجنين جسم غريب يهاجمه
بعض الدكاتره وبدون مايتعبون نفسهم بتحليل يجربون فينا مره نجرب البيبي اسبرين ومره خلينا نجرب الكلكسان متجاهلين ضروره هالتحاليل لمعرفه الجرعه المطلوبه لكل حاله
اسمحولي الموضوع طويل بس يمكن يفيد حد من خواتنا
أسأل الله العظيم رب العرش العظيم ان يرزقني ويرزقكم الذريه الطيبه الصالحه قرة عين
السلام عليكم ورحمة الله وبركاته
خواتي حابه اخبركم عن شي عرفته يمكن يساعد وحده فيكم وهي التحاليل المطلوبه في حاله الاجهاض المتكرر خصوصا فالاسابيع الاولى من الحمل او تأخر الحمل بدون سبب واضح
للأسف لان هالتحاليل مب كل الدكاتره يطلبونها وندخل في دوامه تحاليل هرمونات ومتابعه تبويض وانتظار ماله داعي ومحاولات بدون فايده لمجرد التجربه وتضيع الوقت
هالتحاليل تبين إذا الجسم يعامل جنين او حتى فالمراحل الاولى من البيويضه الملقحه على انها جسم غريب ويرفضه إما بقطع الدم عن المشيمه او مهاجمة البويضه الملقحه ويمنعها من الانغراس فالرحم
التحاليل هي وبكتبها بالانجليزي:
PROTEIN S
PROTEIN C ANTIGEN & ACTIVITY
METHYLENETETRAHYDROFO LATE REDUCTASE - MTHFR
FACTOR V MUTATION GENE - LEIDEN
FACTOR II MUTATION GENE
LUPUS ANTICOAGULANT
ANTI PHOSPOLIPID ANTIBODIES
HOMOCYSTENIE
ANTITHROMBIN III
أحينه بخبركم وين تسوين التحاليل:
هي غير مغطاه بثقه يتراوح سعرها حسب المراكز بين 3500 ل 6900 درهم سألت عليها في بوظبي في مركز كيور اللي فالبطين ومركز الخليج التخصصي بس حصلناهم في مستشفى الستي هوسبيتال في مدينة دبي الطبيه يقبلون ندفع 10% من قيمة التحاليل لحاملين بطاقة ثقه
بس بعدين اكتشفت ان ممكن نسويها في الحكومي مستشفى الكرنيش
او في اي عياده تابعه لمستشفى خليفه بعد ما اشوف دكتور طب اسره ويحولني على دكتوره نسائيه تكتبلي التحاليل
وكل المختبرات طرش عينه الدم أمريكا والنتيجه تكون بين 10 ايام لاسبوعين
أحينه إذا طلع شي من هالتحاليل ايجابي شو هو العلاج او الحل:
غالبا يكون جرعه عاليه من مسيل الدم على شكل ابره وهي الكلسان 40mg وحسب النتيجه إما ابره فاليوم أو ابرتين
في حالة الحمل الطبيعي يكون او ماتعرفين انج حامل بإذن الله
وفي حالة محاوله اطفال الانابيب يفضل بعد سحب البويضات
ونستمر على هالابر يوميا لين قبل الولاده إن شاء الله بفتره قصيره تحددها الدكتوره في حالة الولاده الطبيعيه او القيصريه وهالنصيحه خذيها من الدكتور نفسه
واحيانا ممكن اعطاء **** كورتيزون بجرعات معينه لتقليل مناعة الجسم وعدم اعتبار الجنين جسم غريب يهاجمه
بعض الدكاتره وبدون مايتعبون نفسهم بتحليل يجربون فينا مره نجرب البيبي اسبرين ومره خلينا نجرب الكلكسان متجاهلين ضروره هالتحاليل لمعرفه الجرعه المطلوبه لكل حاله
اسمحولي الموضوع طويل بس يمكن يفيد حد من خواتنا
أسأل الله العظيم رب العرش العظيم ان يرزقني ويرزقكم الذريه الطيبه الصالحه قرة عين