رأيكم في هذه المحاضرة ؟

[ahlam1399]

رأيكم في هذه المحاضرة ؟
كم زوجة معانا هنا في المحاضرة .. سأل المحاضر ..؟
ف رفعت معظم الحاضرات ايديهن✋ ..
ف ابتسم المحاضر ابتسامة هادئة ..

📍ثم قال سؤاله الثاني بطريقة روتينية بحتة وهو يرتب اوراقه على المنصة ..
و كم واحدة سعيدة في جوازها ..

📍لم يرفع راسه حتى ليرى العدد كأنما هو يعلم ان وﻻ واحدة سترفع يدها !

رفع راسه وقال بصوت عال مفاجيء ..
ازاي تكوني زوجة سعيدة ؟🤔🤔
كلكم هنا عشان تعرفوا ازاي توصلوا لكدا ..مظبوط ؟

✅همهمات تدل على الموافقة ..
طيب ..
📌مبدئيا ﻻزم نحفظ كلمة اساسية ها نبني عليها كل اللي جاي ..
احنا الزيت .. و انتوا المية ..
تمام ؟

ﻻحظ المحاضر علامات البلاهة على وجوه الحاضرات 😳
فتنهد بفتور و قال موضحا ..
✳ان الست زي المية💦 .. ليها كل خصائصها ........
خفيفة .. سهلة الغليان .. سريعة التبخر .. تبرد بسرعة و هي عنصر اساسي في الحياة .. زيادتها تموت .. و قلتها تموت💦

📌الزيت .. ثقيل .. بياخد وقت اطول ومجهود اطول عشان يوصل للغليان .. ما بيتبخرش .. بياخد وقت اطول بكتير عشان يبرد .. حارق و ممكن يؤدي الى كوارث لو ما تعملناش معاه بحرص ..
تمام كدا ؟

فابتسمت الحاضرات 😃مع اصوات همهمات و تبادل نكات بين البعض ..
فابتسم هو 😌كانما قطع شوطا كبيرا من محاضرته ف اكمل قائلاً ..

هل ينفع نقارن الزيت بالمية ؟
عاوز اسمع اجابتكم بصوت عالي ..
فردت الحاضرات بصوت واحد قوي .. ﻷ ..

اتسعت ابتسامته 😃وهو يقول ... طب احفظوا ردكم دا كويس ..

خلينا نتكلم عن الزوج العادي الطبيعي تماما ..

👨 الرجل يا هوانم بيقبل ب ادنى درجات الحب ..

📍هنا تعالت أصوات شهقات من الحاضرات و وقفت احداهن لتقول ..

ادني ازاي يعني ؟؟؟
دا انا لو ماعملتش كل حاجة على سنجة عشرة يطلع عيني !!😏

فرد هو قائلاً .. بيتهيألك ...

📍عشان " انتِ " بتحبي جوزك ف بتبقي عايزة تعملي كل حاجة على سنجة عشرة !
احسن اكل..
كل يوم صنف و اتنين
مافيش اكل بايت ..
هدومه مكوية اول ب اول ..
عياله نضاف ومؤدبين ..
البيت ب يبرق الخ الخ الخ

👨 الراجل مش عاوز كل دا على فكرة .. وﻻ حتى واخد باله من كل دة !!
📍يعني لو حضرتك ريحتي نفسك شويتين ها يبقى عادي عنده برضه

😮ارتفعت شهقات الحاضرات مرة اخرى ف اكمل مسرعا

👨 الراجل ما يفرقش معاه كل محشي واﻻ فول النهاردة
سمك و بيكاتا و اﻻ بصارة و عدس !
المهم انه ياكل و يشبع .. بس !

📍مش مهم عنده انتي بتغسلي الهدوم اول ب اول و بتستعملي المسحوق الفلاني اللي بيطلع البقع و المعطر العلاني عشان الهدوم ريحتها تبقى مفحفحة واﻻ بتكوي يوميا او ﻻ.. المهم عنده انه يلاقي هدمة مكوية يلبسها وهوة خارج و بس !

😕 بدات الحاضرات ينظرن الى بعضهن البعض غير **دقات ..
👨الراجل ليه الخطوط الاساسية اللي بيعيش بيها ..
📍الراجل ما يفهمش حاجة اسمها التفاصيل .. ما يعرفهاش .. وﻻ عمره هاياخد باله منها ..
و الدليل ..
انتِ لو صبغتي شعرك مش هاياخد باله .. انما لو بقيتي قرعة.. احتمال ينتبه ..😏

هنا تعالت أصوات الضحكات من الحاضرات ..😂😂
فابتسم 😀هو و اكمل ..

📌احنا مش زيكم .. احنا " الزيت " بيركز في مكانه و مالوش في التفاصيل الكتير
انا مش عاوز ادوش مخي
انا ب احب مخي فاضي .. لانه مدووش اصلاً بالشغل و ال**اريف و دول كفاية عليا جدا ..

😌لو عاوزة تكوني زوجة سعيدة .. مش مفروض تموتي نفسك عشاني !
انا كدا كدا عاوز منك الخطوط الرئيسية .. اديهالي و بس !
صعبة دي !

فقالت احد الحاضرات..
✳ يعني الحق عليا اني ب اجي على نفسي عشان اعملك اكله حلوة كل يوم و اﻻ عشان ب انضف البيت يوميا واﻻ عشان عاوزا اعملك احسن حاجة ؟

هنا رد المحاضر ببرود 😒 ..
ومين قالك تعملي كدا ؟

كان الرد صادما لدرجة ان القاعة كلها صمتت صمتا تاما 😶 ..
بينما اتسعت حدقتا السائلة 😳و عندما همت بالجلوس كرر هو السؤال ..

حضرتك ماردتيش عليا ؟
مين قالك تعملي كدا ؟؟
جوزك طلب منك دا ؟؟
تلعثمت قليلاً ثم قالت ..
ﻷ !
بس هو دا جزاتي عشان ب اجي على نفسي عشانه ؟
عشان ب اضحي عشانه ؟

📍رد هو بنفس البرود ..
حضرتك ضحيتي ب اختيارك ..
ب تحاسبي زوجك ليه ؟؟!

📌نرجع ل كلامنا ..
الرجل ما يفهمش معنى التضحية في الحاجات دي
واحدة عملت محشي النهاردة .. برافوا
عملت فول بكرة .. و ماله ..
عملت تونة بعده .. مش ها اموت وﻻ ها اقتلك يعني !!!

😒انتو اللي بتحبوا تاخدوا دور الام كامل .. مع انك مجرد زوجة .. و اما " تعوديه " على كدا و يبتدي يحاسبك على " تقصيرك " في اللي انتي خلقتيه .. تزعلي !!

📍طب ماكان من الاول ..
1⃣ اهم قاعدة في الزواج السعيد .. اعملي اللي في مقدرتك مش اللي اكتر من مقدرتك ..
عشان انا كزوج ..
ها اعمل اللي في مقدرتي و بس ..

هنا وقفت سيدة اخرى و قالت ..

?بس مش كل الرجالة كدا !
لو على مثال الاكل .. في رجاله لو مش كل يوم صنف محترم تقلب البيت حريقة

هنا ابتسم المحاضر و صفق 👏بيديه قائلاً ..
امسك تخصص ...بمعنى ..
📍الزوج دا عنده شيء محدد بيحبه بطريقة معينة .. خلاص .. يبقى اعمله دا بطريقته ..
يعني.. الزوج عاشق الاكل .. انبساطه في الاكل 🍗🍲
الزوج عاشق الدلع .. انبساطه في الدلع مع مراته
الزوج عاشق المراة الجميلة
انبساطه في جمال زوجته

ايه المشكلة !

📍انما تعالي بقا ادي الزوج عاشق الاكل زوجة قمر بس فاشلة في الطبخ .. وﻻ اكنه متجوز و ها تبقى ايام سودة
لانه مش اهتمامه اصلاً هي جميلة او ﻻ ..

2⃣ يبقى قاعدة رقم اتنين ..
اوفر مجهودي للحاجة اللي ها تعمل فرق عند زوجي .. عشان ما اهدرش طاقتي و اضيع وقتي ع الفاضي ..

📍سكت برهة ثم قال لاحداهن ..لو سمحتي ..
ممكن تناوليني الكوباية اللي ع المكتب دي ؟
و اشار الى كوب يبعد عنه مسافة ذراع فقط ..

فقامت السيدة و تحركت من كرسيها مسافة 3 امتار و ناولته الكوب ثم عادت ل تجلس ..

فابتسم هو و قال ..
و الله انتِ ست جميلة ..

📍ثم اتبع.....
حضرتك اديتيني الكوباية ليه ؟
فذهلت الحاضرات بينما ردت السيدة بحيرة
مش انت قلتلي اديهالك ؟؟؟

فقال هو ..
📍يعني انتي قمتي من مكانك و مشيتي 3 متر و ناولتيني الكوباية و بعدين رجعتي ال 3 متر و قعدتي في حين كان ممكن انا " اميل " بس في اقل من ثانية و اخدها !

3⃣ القاعدة رقم تلاتة للزوجة السعيدة ..
ما تشيليش شيلة مش شيلتك .. عشان اللي يلاقي دلع و ما يدلعش يبقى غبي ..

📍الزوج طول الوقت قبل ما يبقى زوج بيتعامل ك ابن
ماما غالبا بتعمل كل حاجة.. ف لما ب اتجوز باستكشف تدريجيا ايه الكائن اللي اتجوزته دا
📌لو حطيتي نفسك في خانة الام .. ها اعاملك زي ما ب اعاملها فورا .. من عقلي الباطن حتى و بدون ما احس ..
و ساعتها انتي اكتر واحدة ها تندمي ..
فاهمين قصدي ؟

فابتسمت الحاضرات
مع همهمات تفرقت بين التحسر 😔
والايجاب 😄
==================