عطشان وحزين

[ahlam1399]

عطشان وحزين
<div>http://www.gaanaa.net/vb/imgcache/4554.imgcache.gif (http://www.gaanaa.net/vb/showthread.php?t=37128)



لــ : Amr Abo Zeed

صاحي من النوم عطشان (http://www.gaanaa.net/vb/tags.php?tag=%DA%D8%D4%C7%E4) وحزين
وبغني بعلو الصوت مع ( زين )
( وصفولي الصبر لقيته خيال )
( أهرب من قلبي وأروح على فين ؟ )
على فين ؟
على فين ؟
على فين ؟ .. رُدي
ايدي تحت اسنانِك
ها .. عُضي
واذا لسه بحس وبتألم
يبقالِك حق تحبيني
خبيني ...
لأ ثانية استني
بزيادة الكل مخبيني
مش عايز أكون وانتي معايا
زي وأنا معاهم
متخبي
بناديلِك
ندا شقق صدري
وبرغم ده خايف لا تلَبي
الصورة الجاية دي مبتذلة
بس أنا مش سيدنا المتنبي
مشكلتي ماهيش ان أنا بجرح
مشكلتي بسيب جرحي مِعَبي
وانتي بعي***ي النَداهة
اللي مافيش فيها خدش
ولساها
بتضحك
وبتزعل
وبتحكي
وتحب
وتكره
وتغني
محتاجة لورطة أبسط مني
وماظنش تحتملي جراحة
بالراحة ..
وهحكي من الأول
يا جنينة الورد
يا طَرّاحة
مش عارف ليه دايما أهَوِل
وكأن فيه كاميرا بترصدني
وبَحَوّل كل حدث تافه
لاشارة مهمة بتقصدني
وبسيب الدنيا تطوحني
وتخَبَّط راسي في جدرانها
وبدوُر مع نفسي
وورا نفسي
قال ايه بجاريها في دورانها
وبنَظّر ذلاتي اللاتي ..
مابقتش بخاف حتى دوامهم
شياطين بتبرطع في منامي
وأنا برضه ببرطع في منامهم
وفي حرب عنيفة
وممتدة
مع مين ؟
مش فاكر
أُقسملِك
بكتبلِك ؟
فعلا .. بكتبلِك
وان طُلت أرسملِك
هرسملِك
وده مش بمزاجي عشان أبطَّل
أو أداري سطور الأغنية
الأزمة ان ده فعل أناني
ومالوش أعذار
ولا نظرية
اني أبقى بقرب من قلبِك
وفاتحلُه السِكة يقربلي
في الوقت اللي الرعب مالكني
لا تجاوبي .. إتشجع وإهربلي
لو قلت بصوت ( زين ) قدامِك
( أهرب من قلبي وأروح على فين ؟ )
فات نص اليوم وأنا قلقان
ولحد الأن عطشان (http://www.gaanaa.net/vb/tags.php?tag=%DA%D8%D4%C7%E4) وحزين


ال**در: منتدى المرأة والطفل - جنى النسائية (http://www.gaanaa.net/vb) - من قسم: همس القوافي (http://www.gaanaa.net/vb/forumdisplay.php?f=91)

u'ahk ,p.dk