الـــعـجـينة البــرونــزيـة .... أمــنية هاكة سماتها و انتوما واش رايكم

[ahlam1399]

الـــعـجـينة البــرونــزيـة .... أمــنية هاكة سماتها و انتوما واش رايكم

السلام عليكم و رحمة الله تعالى و بركاته

أكيد و اني أحبكم في الله

حبيت نقدم ليكم تجربتي لعجينة قالت لي عنها زميلتي في العمل ربي يهنيها و يعطيها ما تتمنى

أبسط من هاد العجينة صراحة ما شفت تقدرو تقولو عنها العجينة المورقة المزيفة أو شبه العجينة المورقة نونو :D اسم ماشي شباب امالا قلت نسميها العجينة البرونزية :19: معليش نعطوها المرتبة الثالثة في العجينة المورقة

الحق عجبتني بزاف و صراحة و لمعلوماتكم قبل ما نجي نحط ليكم اي تجربة هنايا في الجلفة حتى ندير حملة للتجربتي في وسط عائلتي هههههههه

المهم كي عيطت لدبدوبة راهي عارفة روحها شكون هي و انا نحكيلها على العجينة و مدى سهولتها و بساطتها و كذا سرعتها تعرفو واش قاتلي

قاتلي امالا هادي عجينة نتاع الفنيانات صار هاكة يا دبدوبة تهدري هاكة و انتي و الكوزينة خطاني متوازيان معليش

.................................................. ......................

دركة ان شاء الله نولي نجي مباشرة لأخواتي هنايا في الجلفة و ما نقولش حتى لوحدة من العائلة هههههههههه
.................................................. ....

باسم الله

نبدا الشرح كيما قلت ليكم هاد العجينة بسيطة ماشاء الله مكوناتها كيلة ماء و كيلة زيت و كنصيحة مني للتجربة الأولى كيلو بالكاس نتاع الشاي او كاس صغير نتاع الموطارد كيما راهو في الصورة الأولى لأنه العجينة ماشاء الله تجيكم زاكية

نخلطو الزيت مع الماء وهادي أهم أهم أهم نقطة في عملنا نخلطو غي بالفرشيطة حتى يولي الخليط يشبه للحليب في اللون و الصورة الرابعة توضح

ومن بعد نضيف شوية الملح و نبدا نلم بالفرينة حتى نحصل على عجينة عادية ماشي قاصحة و هاد العجينة الي عجبني فيها ماشاء الله انه كي تكوني تلمي فيها ما تلصقش في اليد روعة

من مميزات هاد العجينة انه تقدري تخدمي بيها مباشرة كيما درت انا قسمت العجينة على اثنين الأولى باش ندير سوفلي و ميني بيتزا و العجينة التانية باش ندير بيها الميلفاي

نحل العجينة مليح بالرولو ومن بعد بالبانسو نضيف ليها خليط الي مكون من المايزينة و الزيت مثلا ملعقة من الزيت نضيف ليها ملعقتين مايزينة نضيفو فوق العجينة و من بعد نرولي العجينة و نقطعها على حساب الرغبة كيما انا قطعتها على حساب باش ندير السوفلي والميني بيتزا

الحشو يا أختي اختياري كيما هنايا درت دجاج طايب و مفتت ضفت ليه الطن و الجبن والسوفلي جا هايل لذيذ و مقرمش اممممممممممم


[/B]]


المملحات

http://www.3rbz.com/uploads/f4ec20abee5a1.jpg

http://www.3rbz.com/uploads/be9d7f76f7cf2.jpg

http://www.3rbz.com/uploads/ec188aa56ad53.jpg

http://www.3rbz.com/uploads/e5a2aa5f36114.jpg

http://www.3rbz.com/uploads/aeee3a112c585.jpg

http://www.3rbz.com/uploads/9d39189ee5ac6.jpg

http://www.3rbz.com/uploads/77e1bd77fe137.jpg

http://www.3rbz.com/uploads/8382855b00378.jpg

http://www.3rbz.com/uploads/8a757989a72a9.jpg

http://www.3rbz.com/uploads/c42f53b4be2510.jpg

http://www.3rbz.com/uploads/38f0e8869cc01.jpg

http://www.3rbz.com/uploads/2369e723c6932.jpg

http://www.3rbz.com/uploads/c6c923a303ef3.jpg

http://www.3rbz.com/uploads/4e65ef1ae1204.jpg

http://www.3rbz.com/uploads/ac6383d237f95.jpg

الحلويات

http://www.3rbz.com/uploads/9a7895be98301.jpg

http://www.3rbz.com/uploads/90c302e25b512.jpg

http://www.3rbz.com/uploads/d238964e33413.jpg

http://www.3rbz.com/uploads/486bc21f797a4.jpg

http://www.3rbz.com/uploads/953918d4cac75.jpg

http://www.3rbz.com/uploads/105749311c206.jpg

http://www.3rbz.com/uploads/7d6a3cdc5d197.jpg

http://www.3rbz.com/uploads/c584e85877f88.jpg

http://www.3rbz.com/uploads/5946906e07b59.jpg

http://www.3rbz.com/uploads/b8d3b5b9c7eb10.jpg