النعش قصه حقيقيه ,هتموتو من كتر الضحك

[ahlam1399]

النعش قصه حقيقيه ,هتموتو من كتر الضحك

http://www.rjeem.com/uploadcenter/uploads/11-2012/PIC-332-1352240857.gif (http://vb.3dlat.com/showthread.php?t=186155)

الشاب بيحكي علي الفيس بوك اللي حصله



إمبارح كان فية جنازة /
بعد الجنازة ما خلصت / الناس جابوا النعش وحطوة قدام باب المسجد /
واحد من أهل المنطقة نزل المسجد الساعة 3 الفجر علشان يصلي ركعتين قيام ليل

/ ملقاش عامل المسجد خالص /

قعد مستني شوية / لقي الجو برد وكان هو مخفف /


راح طالع فوق النعش وفتحتة ودخل نام جوة /



متعرفش إزاي جاله قلب ينام جوة؟ عم عاطف عامل المسجد جه فتح المسجد /


وشغل إذاعة القرآن الكريم / وبدا يجر النعش لوحدة جوة المسجد /



حتي لو النعش فاضي بيكون ثقيل جدا لإن النعش فى الأرياف والفلاحين خشب سميك جدا /


لغاية لما دخل النعش فى مكانه / ناحية القبلة متطرف أقصي اليمين .


عم عاطف أقام الصلاة / حظي الإسود جه فى إني واقف قصاد النعش علي طول /


كنت واقف وجنبي راجل فوق الخمسين سنة ناحية اليمين /


وواحد شاب قدي فى العمر ناحية الشمال . الإمام قرأ الفاتحة وأنا بأمن الواد اللي جنبي حس إن النعش بيتحرك /


وكان لسة بيكبر تكبيرة الإحرام /


بصلي كدة وقلي " أحا النعش بيتحرك" /


أنا مقدرتش امسك نفسي من الضحك قطعت الصلاة وقلت لية " أنت أهبل يلا ؟!! " /


كبرنا تكبيرة الإحرام وعمك الإمام بيقرأ فى سورة النجم .


فجئة لقيت النعش بيتحرك وواحد بيرفع الغطا / تخيل إنت بتصلي ولقيت واحد طالع ليك من النعش وبيفرك فى عنية وبيتواب وبيبصلك ويقلك "


هو انتوا أقمتوا الصلاة يا بشمهندز؟" .


الراجل اللي كان ناحية اليمين وقع علي الأرض من الرعب /
أنا جريت من المسجد حافي والواد اللي كان بيصلي جنبي ناحية الشمال بيجري ورايا حافي هو كمان /


أنا وصلت بيتنا فى زمن قياسي وطول الطريق عمال أقرأ الشهادتين /
الواد كمل الطريق وهو علي لسانة " أحا يا جدعان ... الراجل طلع من النعش ..

دا انا اول مرة أصلي الفجر فى حياتي يا ولاد الكلب" وكمل جري وهو حافي /


انا أول ما دخلت البيت قفلت جميع الشبابيك والبيبان ونزلت تحت البطانية ومسكت ال**حف .


انا لغاية دلوقتي مجبتش الشبشب



http://www.rjeem.com/uploadcenter/uploads/11-2012/PIC-696-1352240857.gif (http://vb.3dlat.com/showthread.php?t=186155)



ال**در: منتدى عدلات النسائي (http://vb.3dlat.com)