عارف وانت صغير

[ahlam1399]

عارف وانت صغير
عارف وانت صغير (http://forums.banatmasr.net/msryat521855/)









عارف وانت صغير




http://forums.banatmasr.net/imgcache/2/249931alsh3er.php?img=180026


جملة ليها مشاعر خاصة لما تلاقى حد يقولهالك تحس

ساعتها إنك إنتقلت من عالم الشقاء اللى بتعيشه إلى عالم

فيه سعادتك ، وتخليك تضحك ، ...

http://forums.banatmasr.net/imgcache/2/249932alsh3er.php?img=180026


افتكر لما كنت صغيرة وابى خدنى فى شارع كان اول مرة
اشوفه علشان يشترى لى لب اقرع كنت شايفة الشارع دا
كبير اوى وواسع خالص وكان اول مرة فى حياتى اكل اللب
دا كان طعمه لحد دلوقتى احسه غريب وكل ما اكله افتكر
بابا الله يرحمه ،



http://up.harajgulf.com/do.php?img=180036


ولا لما اخواتى كانوا يوقفونى جون عند باب بيتنا وكانوا
يشطوا الكورة اللى كانت دايما عارفة طريقها وشي على
عطول :18: وكانوا يضحكوا عليه بشكل هستيرى ،


ولما كنت بلعب السبع بلطات فى الحارة كان اللى بيجرى
ورايا بالكورة احسه بيضربنى بغل:08: كانت ضربة صعبة
بس كنت بردها لما يكون على الدور بس كنت بضربه فى
كفاه :18:بغل برضوا ،


http://up.harajgulf.com/do.php?img=180069

ولا لما كان رمضان يجي وأحس ان نور الدنيا بيتغير وبتتزين
بأجمل ضوء ساعة آذان المغرب ، ولا فرحة العيد وآذية
ولاد جيرنا لما يحطوا البومب تحت رجلين البنات وهما
ماشيين ويضحكوا عليهم ( ولاد مؤذيين دايما) ،.....



الايام دى الواحد بيفتكرها أول مايشوف صورته وهو
صغير ، صحيح بنضحك على شكلنا ونفضل نتريق ، لكن
لما ندقق فى صورتنا واحنا صغيرين نحس انننا فقدنا اجمل
شيئ فى حياتنا ، فقد الضحكة الخالية من الهوم ، وفقدنا
الراحة ،


http://forums.banatmasr.net/imgcache/2/249933alsh3er.php?img=180026
كان اتقل شيئ بنحمله على كتافنا هى شنطة المدرسة
،واقسى همومنا الواجب اللى نعمله ، واكبر تفكير خبيث
هو اننا نخفى الشهادة علشان والدنا مايشفش الكحك
اللى فيها ونزور امضته هههههههههه ،ولا لمتنا ويا اصحابنا ،
ياااه أيام من عمرنا فاتت ،


http://forums.banatmasr.net/imgcache/2/249934alsh3er.php?img=180026


أحيانا لما نقعد مع نفسنا نسأل روحنا ياترا الايام دى إحنا
عشنها بصحيح ولا كانت حلم جميل سرعان ما صحينا منه
، ......رغم السعادة اللى بنكتسبها من رجوعنا لذكريتنا فى
طفولتنا ، الا ان الحزن والآلم اللى بنشعر بيه لفقدنا ليها
مؤلم وقاسى،..




..ولكن على الرغم من كدا لما تحس بضيق عليك من الدنيا
وزادت همومك وتحتاج فى ساعتها لضحكة حلوة ،

روح هات صورتك القديمة وانت صغير وافتكر شقوتك ،
والمقالب اللى كنت بتعملها ساعتها بس هتضحك هتضحك
بجد من القلب



http://up.harajgulf.com/do.php?img=180026
انا كتبت موضوعى دا بلغة عامية على الرغم من انه مش
اسلوبى

فدااء







ال**در: منتديات بنات **ر (http://forums.banatmasr.net)

uhvt ,hkj wydv