rss
05-15-2015, 02:41 AM
مشكلة بنتي المفاجئه ويا المرضعه ساعدوني :(
السلام عليكم
شحالكم خواتي
عندي مشكله ويا بنتي انها رافضه تشرب من المرضعه نهائياً
اسمحولي بشرح شوي بالتفصيل لاني اريد تفهمون الوضع عدل
هي الله يحفظها عمرها شهر ونص تقريباً
اول مايبتها ماكان يطلع مني حليب
ف عطوها بالمستشفى صناعي يمكن 4 مرات تقريباً
عقب كله طبيعي الحمدلله
وعقب شفطت لها والحمدلله تقبلت المرضعه
وبعدين جربت اعطيها الصناعي والحمدلله شربته
بس نادر اعطيها الصناعي ( ابتاميل ) بس لما اكون برع البيت
المهم
اخر مره شربت فيه صناعي مادري شو استوى عقبها تمت ترجع وايد حبيبتي
يمكن من البروده او يمكن انغثت من الحليب ماعرف
بعدها تميت 3 ايام اعطيها كله طبيعي
المشكله بدت عقب هال3 ايام
غيرت لها الحليب لاني خفت ترجع مره ثانيه وشريت حليب ( نان )
بس رفضته وتمت تصيح صياح وكل محاولاتي فشلت
قلت برجع لابتاميل يمكن ماحبت نان
بعد نفس الشي تمت تصيح وماتشربه نفس قبل !!
انصدمت
عقب قلت بغير المرضعه مع انها كانت ترضع منها عادي
واخذت نوعيه زينه اللي قريب من صدر الام
بس ماشي فاايده :( تمت تصيح صيااح لين ما استسلمت
وتمت طول اليوم زعلانه وتصيح
وحاولت قبل شوي اعطيها الصناعي اقربها من صدري عقب ادخل المرضعه اتم تصرخ وتنسكر من الصياح
لدرجه وهي راقده تنش فجأه تصيح وترجع ترقد قطعت قلبي
شكلها وايد متأثره اني كنت اجبرها وادخل المرضعه غصب
شو اسوي ساعدوني اريدها تتعود عالصناعي وتتقبله نفس قبل مستغربه ليش جي فجأه ماقامت تشربه
احتاج اعطيها لما اكون برع البيت
ونفس الوقت ما اتحمل لما اشوفها ويها يزرق من الصياح وانا احاول غصب ادخل المرضعه
اختي تقول قوي قلبج وتحملي صياحها اخر شي بتشربه جي كانت تسوي مع عيالها
بس احس هالطريقه فيها قسوه مع الياهل
شورو علي
منو جي استوى مع عيالها وعقب تقبلوا المرضعه
السلام عليكم
شحالكم خواتي
عندي مشكله ويا بنتي انها رافضه تشرب من المرضعه نهائياً
اسمحولي بشرح شوي بالتفصيل لاني اريد تفهمون الوضع عدل
هي الله يحفظها عمرها شهر ونص تقريباً
اول مايبتها ماكان يطلع مني حليب
ف عطوها بالمستشفى صناعي يمكن 4 مرات تقريباً
عقب كله طبيعي الحمدلله
وعقب شفطت لها والحمدلله تقبلت المرضعه
وبعدين جربت اعطيها الصناعي والحمدلله شربته
بس نادر اعطيها الصناعي ( ابتاميل ) بس لما اكون برع البيت
المهم
اخر مره شربت فيه صناعي مادري شو استوى عقبها تمت ترجع وايد حبيبتي
يمكن من البروده او يمكن انغثت من الحليب ماعرف
بعدها تميت 3 ايام اعطيها كله طبيعي
المشكله بدت عقب هال3 ايام
غيرت لها الحليب لاني خفت ترجع مره ثانيه وشريت حليب ( نان )
بس رفضته وتمت تصيح صياح وكل محاولاتي فشلت
قلت برجع لابتاميل يمكن ماحبت نان
بعد نفس الشي تمت تصيح وماتشربه نفس قبل !!
انصدمت
عقب قلت بغير المرضعه مع انها كانت ترضع منها عادي
واخذت نوعيه زينه اللي قريب من صدر الام
بس ماشي فاايده :( تمت تصيح صيااح لين ما استسلمت
وتمت طول اليوم زعلانه وتصيح
وحاولت قبل شوي اعطيها الصناعي اقربها من صدري عقب ادخل المرضعه اتم تصرخ وتنسكر من الصياح
لدرجه وهي راقده تنش فجأه تصيح وترجع ترقد قطعت قلبي
شكلها وايد متأثره اني كنت اجبرها وادخل المرضعه غصب
شو اسوي ساعدوني اريدها تتعود عالصناعي وتتقبله نفس قبل مستغربه ليش جي فجأه ماقامت تشربه
احتاج اعطيها لما اكون برع البيت
ونفس الوقت ما اتحمل لما اشوفها ويها يزرق من الصياح وانا احاول غصب ادخل المرضعه
اختي تقول قوي قلبج وتحملي صياحها اخر شي بتشربه جي كانت تسوي مع عيالها
بس احس هالطريقه فيها قسوه مع الياهل
شورو علي
منو جي استوى مع عيالها وعقب تقبلوا المرضعه