ahlam1399
09-16-2013, 03:00 PM
في آخر أيامي وليت تتنسوط - تتمة-
نكمل ليكم قصتي ملي مشيت لدارنا في هديك الحالة و دمي تيسل على الأرض هزوني داوني للمستشفى لقيت عندي جرح ليس بعميق في رأسي و رضوخ في جسدي يديا دراعي رجلي و أثار يديه في عنقي كان حاول يخنقني و بقات زرقة بزاف المهم اختكم واكلة العصا مزيان عمري محلمت بيها في حياتي كاملة. سولني الطبيب شكون دار فيك أبنتي هاد الحالة جاوبيتو و عيني غارقين بالدموع زوجي آه زوجي. كنت تنحلم ينعلم هاد الزوج بالحنان و العاطفة مشي يقتلني عصا و يقجني. الله يخود لي منو حقي و يجيب من يظلمو كيما ظلمني. الأب ديالي طلب من الطبيب الجراح ديال مستشفى الرأس شهادة طبية فوافق على الفور و أعطاني الطبيب مهلة للتفكير و وقت ليحتجيتها نمشي ناخدوها و لحد الساعة مازال مخديتها. صراحة ما بغاش نكبر الصداع و نديكلاري بيه حيت ايلا وصلنا للبوليس غادي نولي في مشاكل كبار بزاف. و هو في هاد الاثناء جمع ملابسو و هز لي جميع الأوراق ديال الدار, المفاتيح, البطاقة التعريف الوطنية ديالي ,عقد الزواج حتى من وثائقي الخاصة دارهم في حقبيتو, صور العرس .... آه و جمع غطاء الناموسية كان فيه الدم ليسال لي من راسي و غشاوات المخاد المهم أخفى معالم الجريمة. و بقا كيتصل بيا في الهاتف و يرسل ليا في مساجات يعتدر و يتوسل و يطلب مني الرجوع الى المنزل ....
المهم اتصل بماما و جا لعندنا للدارصبناتو ماما مزيان نقات ليه ودنيه المهم بردت ليا فيه قلبي عجباتي فيه و هو غير ساكت عارف راسو دايرها بقا تيطلب فيا و يعتدر و تيقول ليا أنا معقلتش على راسي أشنو كاع درت و تيبوس ليا رجلي و راسي و يديا صراحة أنا مبقيتش تنشوف فيه طلبت منو الطلاق معندي مندير بيه و لكن هو رفض بشدة عمري نتفرق عليك معرفت أش يوقع. بقا يعتدر و يتوسل عمري نعاود نقيسك ... زيد و زيد في الهدرة. منخبيش عليكم البنات غير قرب الخويا الكبير يجي من خدمتو أنا شدتني الخلعة و طلبو مني والديا منقول والو للأخي الكبير وننغطي وجهي ميشوفنيش حيث أنا عزيزة على خويا بزاف و ايلا شافني في هاديك الحالة غادي يمشي ايقتلوا مفيهاش لا يتفاهم أبدا و أنا مبغاش نوصل الخويا للسجن كمدتها في قلبي و ضغطت على نفسي كثر من القياس و رجعت معاه للدار لا أكلمه و لا شيء . السيد تيقول لماما أنا مرفوع معارفش راسي من راجلي و أنا أيضا تنشوفو أسود قدام عيني بغيتو غير يطلقني و يبعد علي طلبت منو يخرج من داري. المهم دارت ليه ماما التفوسيخة عاد حس براسو شويا منكدبش حتى أنا تهدنت شوية و عظامنا ترخاو علينا عظامنا الله ينجينا و ينجكم من شر الخلق دارو لينا سحر قوي للتفريق بغاو يفرقو لينا شملنا و يشتتو لينا عشنا عاد زادو فيه بالهدرة راه غالبك مراتك كتسمع هضرتها راك تبدلتي راك فعلتي و راه مراتك عندها الصاحب و كتخونك و راه مراتك فيتا دايرا عملية ترقيع البكارة قبل متزوج. حسبي الله و نعم الوكيل فيهم لاحو علي الباطل و مشي أي باطل هاد قدف المحصنات و ربي وحدو لشاهد عليا أنا انسانة تنخاف الله و بعيد على جميع هاد الشبهات و الحمد لله سمعتي يشهد بيها الجميع من عملي لداري ماكاين لاها لاها و ربي عليا رقيب. ادعو البنات معايا الله يخلص كل واحد على قد نيتو و يبين الحق. قال ليا أنا غير غلب علي الشيطان و راودني الشك ملي سمعت هاد الهضرة و زيد السحرة معقلتش على راسي أما أنا عارفك مزيان. واخا هاد الهضرة لتقيل ايقول فيها مبغتش تسرط ليا كيفاش زوجي ايشك فيا و أنا زوجة طاهرة مدرتش هاد العجب حتى وأنا عا**ة كيفاش و أنا متزوجة. و لكن هادشي كامل سببو الطمع و الجشع اخوه و اخوتتو طامعين فيه كان داير ليهم مانضة كل شهر و كان طامعين فيا حتى أنا نصرف و ندير كلشي و هو يسفط ليهم فلوس الشهر ساعة أنا ملي جمعت قبي تحزمو ليا و بغاو يفرقونا وقفا ليهم عظم في حلقهم. الناس عطاو اخبار لبابا اخوه و أختو هاديك اليومين كانو عند شي سحارة في مدينتهم. و أ،ا علاقتي بيهم مزيانة عطيني وجه زوين و هوما تي**رو فيا الله ينجيكم من الوجه تيضوي و القلب تيشوي. و الغريب في الامر ديما دارهم تيديرو معاي غير الفلاشات بالمباشر و أنا تنميك تندير راسي مفهماش و تنقول متيهمنويش تيهمني راجلي و بصح كنت أنا و زوجي سعيدين بزاف ديما متفاهمين مخصني معاه حتى خير حتى تقلب عليا فجأة بدون سابق أندار و عطاني العصا عمري حلمت بيها طول عمري. أشنو ندير البنات أنا رجعت لداري غير خفت من الصداع لخويا مبغيتش ليه الضرر و نكون سببو و هو عندو وليدات. واش ندفع ملف الطلاق حيث هو رافض واش نسامحو واش واش أنا مبقيت عارف أشنو ندير حارت بيا هاد الدنيا ياربي خفف علي و بعد عليا هاد الهم و الكدر راه القلب طاب . دابا أنا في داري مع زوجي و رجعت للعمل ديالي و لكن واخا هاكاك أنا باقا **دومة و أفكاري مخربقة و علاقتي بيه متوترة واخا هو تيحاول ايقاد معاي و لكن أنا مبغاش ايتنسا ليا داكشي ليوقع. طلبت منو ايدير معاي وثيقة عند العدول يسمح ليا فيها بالعمل باش ميحبسنيش من العمل ساعة رفض بشدة و قال ليا عمري نمنعك من خدمتك ولكن هادك الخوف باقي ساكن معاي واش مزال باقا نثيق فيه مور هادشي.
نكمل ليكم قصتي ملي مشيت لدارنا في هديك الحالة و دمي تيسل على الأرض هزوني داوني للمستشفى لقيت عندي جرح ليس بعميق في رأسي و رضوخ في جسدي يديا دراعي رجلي و أثار يديه في عنقي كان حاول يخنقني و بقات زرقة بزاف المهم اختكم واكلة العصا مزيان عمري محلمت بيها في حياتي كاملة. سولني الطبيب شكون دار فيك أبنتي هاد الحالة جاوبيتو و عيني غارقين بالدموع زوجي آه زوجي. كنت تنحلم ينعلم هاد الزوج بالحنان و العاطفة مشي يقتلني عصا و يقجني. الله يخود لي منو حقي و يجيب من يظلمو كيما ظلمني. الأب ديالي طلب من الطبيب الجراح ديال مستشفى الرأس شهادة طبية فوافق على الفور و أعطاني الطبيب مهلة للتفكير و وقت ليحتجيتها نمشي ناخدوها و لحد الساعة مازال مخديتها. صراحة ما بغاش نكبر الصداع و نديكلاري بيه حيت ايلا وصلنا للبوليس غادي نولي في مشاكل كبار بزاف. و هو في هاد الاثناء جمع ملابسو و هز لي جميع الأوراق ديال الدار, المفاتيح, البطاقة التعريف الوطنية ديالي ,عقد الزواج حتى من وثائقي الخاصة دارهم في حقبيتو, صور العرس .... آه و جمع غطاء الناموسية كان فيه الدم ليسال لي من راسي و غشاوات المخاد المهم أخفى معالم الجريمة. و بقا كيتصل بيا في الهاتف و يرسل ليا في مساجات يعتدر و يتوسل و يطلب مني الرجوع الى المنزل ....
المهم اتصل بماما و جا لعندنا للدارصبناتو ماما مزيان نقات ليه ودنيه المهم بردت ليا فيه قلبي عجباتي فيه و هو غير ساكت عارف راسو دايرها بقا تيطلب فيا و يعتدر و تيقول ليا أنا معقلتش على راسي أشنو كاع درت و تيبوس ليا رجلي و راسي و يديا صراحة أنا مبقيتش تنشوف فيه طلبت منو الطلاق معندي مندير بيه و لكن هو رفض بشدة عمري نتفرق عليك معرفت أش يوقع. بقا يعتدر و يتوسل عمري نعاود نقيسك ... زيد و زيد في الهدرة. منخبيش عليكم البنات غير قرب الخويا الكبير يجي من خدمتو أنا شدتني الخلعة و طلبو مني والديا منقول والو للأخي الكبير وننغطي وجهي ميشوفنيش حيث أنا عزيزة على خويا بزاف و ايلا شافني في هاديك الحالة غادي يمشي ايقتلوا مفيهاش لا يتفاهم أبدا و أنا مبغاش نوصل الخويا للسجن كمدتها في قلبي و ضغطت على نفسي كثر من القياس و رجعت معاه للدار لا أكلمه و لا شيء . السيد تيقول لماما أنا مرفوع معارفش راسي من راجلي و أنا أيضا تنشوفو أسود قدام عيني بغيتو غير يطلقني و يبعد علي طلبت منو يخرج من داري. المهم دارت ليه ماما التفوسيخة عاد حس براسو شويا منكدبش حتى أنا تهدنت شوية و عظامنا ترخاو علينا عظامنا الله ينجينا و ينجكم من شر الخلق دارو لينا سحر قوي للتفريق بغاو يفرقو لينا شملنا و يشتتو لينا عشنا عاد زادو فيه بالهدرة راه غالبك مراتك كتسمع هضرتها راك تبدلتي راك فعلتي و راه مراتك عندها الصاحب و كتخونك و راه مراتك فيتا دايرا عملية ترقيع البكارة قبل متزوج. حسبي الله و نعم الوكيل فيهم لاحو علي الباطل و مشي أي باطل هاد قدف المحصنات و ربي وحدو لشاهد عليا أنا انسانة تنخاف الله و بعيد على جميع هاد الشبهات و الحمد لله سمعتي يشهد بيها الجميع من عملي لداري ماكاين لاها لاها و ربي عليا رقيب. ادعو البنات معايا الله يخلص كل واحد على قد نيتو و يبين الحق. قال ليا أنا غير غلب علي الشيطان و راودني الشك ملي سمعت هاد الهضرة و زيد السحرة معقلتش على راسي أما أنا عارفك مزيان. واخا هاد الهضرة لتقيل ايقول فيها مبغتش تسرط ليا كيفاش زوجي ايشك فيا و أنا زوجة طاهرة مدرتش هاد العجب حتى وأنا عا**ة كيفاش و أنا متزوجة. و لكن هادشي كامل سببو الطمع و الجشع اخوه و اخوتتو طامعين فيه كان داير ليهم مانضة كل شهر و كان طامعين فيا حتى أنا نصرف و ندير كلشي و هو يسفط ليهم فلوس الشهر ساعة أنا ملي جمعت قبي تحزمو ليا و بغاو يفرقونا وقفا ليهم عظم في حلقهم. الناس عطاو اخبار لبابا اخوه و أختو هاديك اليومين كانو عند شي سحارة في مدينتهم. و أ،ا علاقتي بيهم مزيانة عطيني وجه زوين و هوما تي**رو فيا الله ينجيكم من الوجه تيضوي و القلب تيشوي. و الغريب في الامر ديما دارهم تيديرو معاي غير الفلاشات بالمباشر و أنا تنميك تندير راسي مفهماش و تنقول متيهمنويش تيهمني راجلي و بصح كنت أنا و زوجي سعيدين بزاف ديما متفاهمين مخصني معاه حتى خير حتى تقلب عليا فجأة بدون سابق أندار و عطاني العصا عمري حلمت بيها طول عمري. أشنو ندير البنات أنا رجعت لداري غير خفت من الصداع لخويا مبغيتش ليه الضرر و نكون سببو و هو عندو وليدات. واش ندفع ملف الطلاق حيث هو رافض واش نسامحو واش واش أنا مبقيت عارف أشنو ندير حارت بيا هاد الدنيا ياربي خفف علي و بعد عليا هاد الهم و الكدر راه القلب طاب . دابا أنا في داري مع زوجي و رجعت للعمل ديالي و لكن واخا هاكاك أنا باقا **دومة و أفكاري مخربقة و علاقتي بيه متوترة واخا هو تيحاول ايقاد معاي و لكن أنا مبغاش ايتنسا ليا داكشي ليوقع. طلبت منو ايدير معاي وثيقة عند العدول يسمح ليا فيها بالعمل باش ميحبسنيش من العمل ساعة رفض بشدة و قال ليا عمري نمنعك من خدمتك ولكن هادك الخوف باقي ساكن معاي واش مزال باقا نثيق فيه مور هادشي.