rss
01-10-2015, 06:04 PM
قــــــــصة ولادتي 24 - أغسطس - 2014
السلام عليكم ورحمه الله وبركاته ..
حبيت أكتب لكم قصة ولادتي ... طبعا قبل لا أتزوج كنت دايما اقرا قصص الولادة في هالمنتدى وكنت أتمنى أني اكون وحده منهن ... واكتب تجربتي ... والحمدلله تزوجت وربي رزقني بأحلى بنوته ربي يحفظها لي ولأبوها ...
أنـا أول ماحملت طبعا كنت خايفة جدا أولا لأني بصراحة ماستمعت بالزواج وايد وماشاءالله تبارك الرحمن حملت بعدها بفترة قصيرة .. وتعبت واااااااااااايد في الوحام يوميا كنت في المستشفى بس عقب قمت اتقبل الوضع ... والحمدلله عدت أول أربع شهور ع خير وكان وحامي عقبها لا باس ... حميتي يابت لي كتاب عن الحمل عشان استمتع برحلة الحمل ونفسيتي ماتتعب .. ع العموم أنا كنت أراجع في عيادة رياض ومادري شسالفة ... مراجعة عادية بس عشان اتأكد انه كل شيء اوك ... عقب الشهر الخامس أو السادس ماحيد ... قالت لي لازم تروحين اي مستشفى وتراجعين.. فاخترت مستشفى الزهراء .. ( اول شيء مع الدكتورة نفسية بس مارتحت لانها كبيرة وخفت شوي انها اتعبني ... فغيرت للدكتورة أميرة ... وحسيت انها شريرة وتبا تخلص بسرعة بس الحمدلله عقب ارتحت لها مادري ليش )!... المهم في أخر الشهر الثامن قالت لي الدكتورة بما انج اتعانين من الضغط بنحاول انولدج اول التاسع عشان نخاف الضغط يرتفع ونسويلج عميلة ونحن نتمنى انج ماتسويينها ... ف قالت لي اختاري يوم وبنولدج ..ف اخترت اني اروح المستشفى تاريخ 23 اغسطس واولد 24 اذا الله اراد طبعا بالطلق الصناعي ...
تاريخ 23 ? أغسطس ? 2014 :
كنت ناشة الظهر ارتب التوزيعات واتصل في المحلات الي متعاقدة وياهم لتزيين الغرفة وجيه وطبعا اي شيء كان ناقصني رحت يبته وجيه وطبعا تعبت نفسيا وانا ارتب التوزيعات لاني سويت كل شيء بروحي خصوصا الترتيب ... ولما يا الليل رتبت شنطتي وشنطة النونو و خليتهم في السيارة ...ع الساعة 1 فليل رحت المستشفى وكان تاريخ 24 ..
تاريخ 24- أغسطس ? 2014:
رحت مستشفى... الزهراء كنت حاجزة في اي بي ... اول مادخلت كنت خايفة ... جدا للحين اتذكر الشعور ... كان شيء يخوف ... بس ف نفس الوقت سعيده لأن المعاناه بتنتهي ... وريلي كان وياي .. كل ما اشوفه اقول خايفة يقول لي لا تحاتين ان شاءالله كل الامور بتعدي ع خير ... يتني الممرضة ولبستني لبس المستشفى وعقب حطت لي الجهاز عشان نبضات قلب النونو + وعشان يقيس الطلق ...طبعا وانا كلي توتر وخوف لأنها أول تجربه وماعرف شو بيصير ومن الخوف ابا اقول حق ريلي خل بالك على النونو لو رحت من هالدنيا .....كنت متضايقة لأني اخاف اروح من هالدنيا والنونو تكون روحها ... مثل ما أنا كنت روحي بدون أم ..... وأفكاري كانت سودا ..... بس ريلي الحمدلله كان يخفف علي ..... ( ملاحظة : هو أمه متوفيه وأنا بعد ف ماكان عندي حد وكنت أفضل اني اروح وياه بس ومابغيت حد من اهلي او اهله وياي) ...... تم الجهاز علي وانا في غرفتي وماكان عندي ألم لأني كنت أول يوم في التاسع وانا رايحة ع اساس طلق صناعي ... عقب الساعة 3 او 4 الفجر يت الدكتورة وعطتني التحميلة ... ومانفعت حطولي تحميلة ثانية ... وبدت التقلصات .. بس ماكنت فاهمة .. الدكتورة تيي كل شوي تقيس كم فتح وجي ... وكنت 2 سانتي .... المهم تمت تشوف بس تميت ع 2 سانتي ...فتررررة ... انا كنت طالبة ابرة الظهر ... وكنت اتعب نفسيا كل ما تقيس لان الاحساس مول مب حلو ... المهم بعد كمن ساعة وصلت 3 ... وانا تعبانة واقول لهم خلاص لا تقايسون بتحمل لين كمن ساعة ... حاولت أرقد طبعا تعب وجي وماشي رقاد ... ... قالولي الدكتورة طلبت انه انزلج قسم الولادة ع الساعة 11 او 12 ماحيد...... ونزلوني .. تميت في حجرة الولادة والحمدلله النيرس الي تمت وياي كانت من اطيب مايكون ..... ماشفت عقبها الدكتورة... ركبولي الكاثتر ( عشان البول الله يعزكم ) .... عقب ع الساعة 2 ..... ركبولي مال ابره الظهر ...... طبعا يعور ..... بس لازم ماتتحركين ..... ركب لي 3 او 4 مرات بس كله غلط لين ركب ... وانا خايفة يصير شيء ..... بس توكلت ع ربي ........ المهم بعد ساعة حسيت بألم بس 30 الي 40 بالمية ..... هو مايخوز الالم مولية بس يخفف ماشاءالله ......... من الساعة 1 الظهر ليييييين 8 فليل وانا بس في هالوضع .. وطبعا ريلي كل شوي يطلع يشم هوا وانا ماتحمل اقول لهم ازقروووه خلااااااااص... اقوله لا تروح عني انا بروحي الخ الخ الخ الخ ..... وتميت ارتقل من البرد .... وكل شوي اقول لهم ابا اروح الحمام ( كان نفس البوش وانا مادري شسالفة ع بالي ابا اروح الحمام ) ... والعوزهم الا اروح الحمام .... ويمشوني لين الحمام وارد وهكذااا..... لين الساعة 8 فليل روحت النيرس الزينه ويتني وحده ماحبيتها مول اتضايقت منها ..... بس انا تعبانة ومالي خلق شيء ..... وقتها كنت واصلة 7 او 8 .... بعدها بساعة قالت لي وصلتي 9 ..... فزقروا الدكتورة .... وقلت لها ... خلاص استسلم يمكن لاني ماكنت ماكلة ومرهقة ومب راقدة ابد وفوق هذا كان عندي ألم في نص جسمي ... مادري ليش... المهم بقدرة ربي وصلت ل 10 سانتي ... وخلتني اسوي بوش اوريدي كنت اسوي بوش وانا مادري مما أدى الي الضغط الكبير ع المهبل ... وطبعا بنوتي فديتها كانت عالقة وانا اقولها خلاص ماباااا اتقولي خلاص ماباقي شيء و ع الساعة 9 ونص شرفت البنوتة بعد ما استسلمت كمن مرة ... وطبعا صارخت بأعلى صوت وماكنت أتوقع من نفسي اني اصارخ لأني كنت هادية طول الوقت ... حسيت بألم فضيع وقت البوش ماعرف ليش ...... انصدمت من نفسي ... طبعا وقت مايت الدكتورة زوجي طلع برا وقف عند الباب يتريا ...... سمع صوت البنوتة جان يرتاح ... اول ماطلعت للدنيا حطوها ع بطني وانا جي **دومة اقول ف خاطري ( منو هاي ) !! هههههه حلوة صح ؟ عقب شلوها ونظفوها وجيه ويا الدكتور يجيك عليها .. وانا الدكتورة اميرة تمت اتخيطني بس يعور طبعا .... واقول لها خلااااص؟ تقول اهو يا بنتي اهو خلصنا ههههه ... بس احس لو لا قدرة ربي وكيف ما هي كانت تشجعني احس بتم جي ومابولد هههه ... وطبعا خلصنا .. ويابولي البنوتة ... وشليتها ف حضني وريلي دش الحجرة يطالعها حسيت جي دموع ف عيونه ... فرحان بشوفه بنته ... وفرحان اني بخير ... شلوني للغرفة ع الساعة 11 ...
ع الساعة وحده فليل يعني تاريخ 25 ...
بدت المآساة ..................!!!!!!!!
تاريخ 25 ? أغسطس ? 2014 :
قلت لهم عندي ألم فضيع ... يقولون مستحيل وأنا احس بهالألم من قالولي سوي بوش ... وانا قلت بعد البوش وبعد ماتطلع البيبي مابحس ب شيء ... بس تميت احس بألالام وحسسوني اني اتدلع ومافي ألم ..... تميت اصارخ من الألم ... واصارخ واصارخ ... يت الدكتورة تجيك قالولي وين الالم قلت مكان الخروج الله يعزكم ... تميت اتجيك قالت مافي شيء ...... قلت بموووت من الألم ... ع الساعة 1 فليل أغمى علي ... والكل انصدم ومن بعدها ماعرفت شو صار وهذي رواية زوجي :
أغمى عليج من الألم وكنتي شايلة الدنيا من الصريخ ... كلهم اتجمعوا عندج بس انتي مب ف وعيج ... الدكتورة ( المناوبة ) انصدمت وخافت اتصلت ع دكتورتي وفجاة تجمعوا كل الاستشاريين رجال ونساء كان عددهم 9 ... شلوني ودوني غرفة العمليات ... طبعا كل ها وانا مادري ... خلوا ريلي يوقع ع الاوراق... وريلي مايدري شو قاعد يصير ... خاف قال لهم خبروني شو صار .. محد يرمس كلهم في الغرفة يبون يعرفون شو صار ..تم يصارخ عليهم ... محد يرد... رايح وراد رايح وراد ...يقول لهم حد يطمني ... طلعت الدكتورة طمنته انها بخير ....وانت ادعيلها .... طبعا سوولي عملية في المهبل ونزفت واااااااااااااااااايد ونقلولي دم ... ع الساعة 5 الفجر شفته يالس عدالي وانا ناشة احس بألالام ... واشوفهم قاعدين ينقلون لي دم ... قلت له شسالفة ... قال لي جي وجي وجي صار وياج ... كنت بموت لو رحتي من ايدي ... كل ها ومحد من اهلي يدري ... ثاني يوم الكل درا .... زاروني ع اساس مربية ... مايدرون مسوية عملية ... وخبرتهم ... ( غلطتي اول ماربيت طرشت مسجات للجميع ع اساس ابشرهم ولا اشوفهم يقولون هيه هذي ربت وع طول طرشت اسميها فيها طاقة وانا كنت هلكانة بس عشان اطمنهم ) .... تميت أسبوع في المستشفى ... ابوي ماكان طايع اني اطلع يباني اتم لين اكون بخير.. بس المستشفى رخصوني ع اساس اني بخير ... ورحت بيت ابوي ... تميت يومين ... ... وبديت اتعافى ...
وللأسف الشديد ... يت وحده زارتني .... وبعدها رحت الحمام ... ( طبعا المربية بعد الولادة صعب عندها اتروح الحمام ) وانا طالعة اقول لهم يالسة انزف مب دم النفاس دم نظيف . عرفت حزتها اني بديت انزف مرة ثانية .... قلت بتحمل ... يومين تحملت وانا اصيح فليل ... يوم ريلي يا وشافني قال لي هالشيء مب طبيعي .... وقال بنام عندج اليوم ... ماقدر يحط راسه الا وانا اصااااااارخ مرة ثانية ... ودوني الطواري ... قالولنا مافي شيء ... بعدين الدكتورة جيكت مرة ثانية ولا هو نزيف وتبطل الجرح ... حولوني القاسمي ... هنيه الصدمه ( قالولي عندج نزيف داخلي والحجم كبير ) لو ماقدرنا انصلح الخطأ بنطر بطنج .. هنيه انا انفجرت أوريدي احس بالالام ... وفي نفس الوقت اخبار سيئة ... ف نفس اليوم قرروا عملية ثانية ... واهلي **دومين ... شو قاعد يصير .... بعد الولادة تعب وعمليات ... خياطتي الخارجية والداخليه بطلوها 3 مرات ... وطبعا تميت اسبوع بعد العملية ... واستوالي موقف خايس في المستشفى ( وحدة متزوجة تمت اتراكض ورا ريلي اونها تزورني وكذا وانا عصبت ع اساس اطلع خلاص تعب وعمليات وهذي فوق راسي انا ناقصة؟ ) المهم طلعت من المستشفى بسبتها رديت بيتي هالمرة وريلي منع عني كل الناس ... خاف من عيونهم ... الي سببت لي كل هذا ... طبعا ماكنت أدري ... ولكن الحمدلله على كل حال ....... انا وبنوتي الحين بخير وعافيه ... هذا من فضل ربي ... ومن ثم اهلي وزوجي ربي يحفظهم........
نصايح :
1- كل وحده تجربتها غير عن الثانية ... ف لا تحطون في بالكم الي صار مع اي حد ممكن يصير معاج ...
2- كل وحده لازم لازم لازم تقرا على نفسها وترقي عمرها وتقرا ع البيبي + ( لازمي السور الي تسهل عليج )
3- ابرة الظهر ( انا قريت عنها وااااااااايد قبل لا اسوي ) 2% من الناس الي تستويلهم مشاكل من هالأبرة .. صلي الاستخارة ... والمشاكل ( صداع وبعضهم الالام في الظهر ) مب شيء ثاني .. والاهم تختارين حد متخصص ..
4- ادويتج خذيها لو عندج الضغط او السكر ... لا تهملين نفسج والامراض الي عندج ...
5- اهتمي بنفسج وااااااااايد مهما ان صار ... لا تهملين نفسج بعد الولادة ... كريمات ادوية اي شيء عطوج ... أستخدميه عشان تتعافين بسرعة والالام تروح والخياطة تضبط .....الخ مرات تحتاجين عملية ترميم المهبل .. ( هذا اذا قررتي انج توقفين عيال فترة ويمكن لا )...
6- لا تستخدمين الخلطات وهالسوالف خصوصا لو عندج الضغط .. أو اي مرض ثاني بيسبب لج مضاعفات .. فحذاري ..
طبعا ماعرفتوا وين بتني كل هالفترة ... لما قعدت اول اسبوع في المستشفى ماكانت عندي كانت في قسم البيبيات رضعتها كمن مرة في المستشفى ... عقب طبعا يلست في بيت ابوي وانا رايحة ورادة من المستشفى عقب تميت في المستشفى فتررررة طويلة ... تقريبا 10 ايام .. وهي تمت في بيت ابوي مع مربية لين رجعت البيت ... فديتها انحرمت مني كنت كل يوم اصيح في المستشفى لاني بعيده عنها .. وعودتها ع الصناعي !!!
تفسير الي صار لي :
أنا لأني أعاني من الضغط والحمدلله ضغطي كان أوكي بس وقت البوش ... انقص عندي وريد في المهبل ... وهذا هو الوقت الي حسيت فيه بالالم بس اتحراه الم الولادة ... تم الدم يتجمع داخل واحنا ماندري لين ع الساعة 1 فليل يوم اغمى علي اكتشفوا ... طبعا سوولي عملية نظفوا لي الرحم ( النيرس بعد الولادة مانظفتني ) وربطوا الوريد يعني وصلوه مع بعض ... عقب خاطوني من الداخل ومن برا ... عقب في العملية الثانية الوريد رد اتبطل ف بطلوا الخياطة مرة ثانية ووصلوه again ... وجيه ..
وهذي قصتي يا حلوات ... أتمنى تكونون عشتوا تفاصيل القصة ...
السلام عليكم ورحمه الله وبركاته ..
حبيت أكتب لكم قصة ولادتي ... طبعا قبل لا أتزوج كنت دايما اقرا قصص الولادة في هالمنتدى وكنت أتمنى أني اكون وحده منهن ... واكتب تجربتي ... والحمدلله تزوجت وربي رزقني بأحلى بنوته ربي يحفظها لي ولأبوها ...
أنـا أول ماحملت طبعا كنت خايفة جدا أولا لأني بصراحة ماستمعت بالزواج وايد وماشاءالله تبارك الرحمن حملت بعدها بفترة قصيرة .. وتعبت واااااااااااايد في الوحام يوميا كنت في المستشفى بس عقب قمت اتقبل الوضع ... والحمدلله عدت أول أربع شهور ع خير وكان وحامي عقبها لا باس ... حميتي يابت لي كتاب عن الحمل عشان استمتع برحلة الحمل ونفسيتي ماتتعب .. ع العموم أنا كنت أراجع في عيادة رياض ومادري شسالفة ... مراجعة عادية بس عشان اتأكد انه كل شيء اوك ... عقب الشهر الخامس أو السادس ماحيد ... قالت لي لازم تروحين اي مستشفى وتراجعين.. فاخترت مستشفى الزهراء .. ( اول شيء مع الدكتورة نفسية بس مارتحت لانها كبيرة وخفت شوي انها اتعبني ... فغيرت للدكتورة أميرة ... وحسيت انها شريرة وتبا تخلص بسرعة بس الحمدلله عقب ارتحت لها مادري ليش )!... المهم في أخر الشهر الثامن قالت لي الدكتورة بما انج اتعانين من الضغط بنحاول انولدج اول التاسع عشان نخاف الضغط يرتفع ونسويلج عميلة ونحن نتمنى انج ماتسويينها ... ف قالت لي اختاري يوم وبنولدج ..ف اخترت اني اروح المستشفى تاريخ 23 اغسطس واولد 24 اذا الله اراد طبعا بالطلق الصناعي ...
تاريخ 23 ? أغسطس ? 2014 :
كنت ناشة الظهر ارتب التوزيعات واتصل في المحلات الي متعاقدة وياهم لتزيين الغرفة وجيه وطبعا اي شيء كان ناقصني رحت يبته وجيه وطبعا تعبت نفسيا وانا ارتب التوزيعات لاني سويت كل شيء بروحي خصوصا الترتيب ... ولما يا الليل رتبت شنطتي وشنطة النونو و خليتهم في السيارة ...ع الساعة 1 فليل رحت المستشفى وكان تاريخ 24 ..
تاريخ 24- أغسطس ? 2014:
رحت مستشفى... الزهراء كنت حاجزة في اي بي ... اول مادخلت كنت خايفة ... جدا للحين اتذكر الشعور ... كان شيء يخوف ... بس ف نفس الوقت سعيده لأن المعاناه بتنتهي ... وريلي كان وياي .. كل ما اشوفه اقول خايفة يقول لي لا تحاتين ان شاءالله كل الامور بتعدي ع خير ... يتني الممرضة ولبستني لبس المستشفى وعقب حطت لي الجهاز عشان نبضات قلب النونو + وعشان يقيس الطلق ...طبعا وانا كلي توتر وخوف لأنها أول تجربه وماعرف شو بيصير ومن الخوف ابا اقول حق ريلي خل بالك على النونو لو رحت من هالدنيا .....كنت متضايقة لأني اخاف اروح من هالدنيا والنونو تكون روحها ... مثل ما أنا كنت روحي بدون أم ..... وأفكاري كانت سودا ..... بس ريلي الحمدلله كان يخفف علي ..... ( ملاحظة : هو أمه متوفيه وأنا بعد ف ماكان عندي حد وكنت أفضل اني اروح وياه بس ومابغيت حد من اهلي او اهله وياي) ...... تم الجهاز علي وانا في غرفتي وماكان عندي ألم لأني كنت أول يوم في التاسع وانا رايحة ع اساس طلق صناعي ... عقب الساعة 3 او 4 الفجر يت الدكتورة وعطتني التحميلة ... ومانفعت حطولي تحميلة ثانية ... وبدت التقلصات .. بس ماكنت فاهمة .. الدكتورة تيي كل شوي تقيس كم فتح وجي ... وكنت 2 سانتي .... المهم تمت تشوف بس تميت ع 2 سانتي ...فتررررة ... انا كنت طالبة ابرة الظهر ... وكنت اتعب نفسيا كل ما تقيس لان الاحساس مول مب حلو ... المهم بعد كمن ساعة وصلت 3 ... وانا تعبانة واقول لهم خلاص لا تقايسون بتحمل لين كمن ساعة ... حاولت أرقد طبعا تعب وجي وماشي رقاد ... ... قالولي الدكتورة طلبت انه انزلج قسم الولادة ع الساعة 11 او 12 ماحيد...... ونزلوني .. تميت في حجرة الولادة والحمدلله النيرس الي تمت وياي كانت من اطيب مايكون ..... ماشفت عقبها الدكتورة... ركبولي الكاثتر ( عشان البول الله يعزكم ) .... عقب ع الساعة 2 ..... ركبولي مال ابره الظهر ...... طبعا يعور ..... بس لازم ماتتحركين ..... ركب لي 3 او 4 مرات بس كله غلط لين ركب ... وانا خايفة يصير شيء ..... بس توكلت ع ربي ........ المهم بعد ساعة حسيت بألم بس 30 الي 40 بالمية ..... هو مايخوز الالم مولية بس يخفف ماشاءالله ......... من الساعة 1 الظهر ليييييين 8 فليل وانا بس في هالوضع .. وطبعا ريلي كل شوي يطلع يشم هوا وانا ماتحمل اقول لهم ازقروووه خلااااااااص... اقوله لا تروح عني انا بروحي الخ الخ الخ الخ ..... وتميت ارتقل من البرد .... وكل شوي اقول لهم ابا اروح الحمام ( كان نفس البوش وانا مادري شسالفة ع بالي ابا اروح الحمام ) ... والعوزهم الا اروح الحمام .... ويمشوني لين الحمام وارد وهكذااا..... لين الساعة 8 فليل روحت النيرس الزينه ويتني وحده ماحبيتها مول اتضايقت منها ..... بس انا تعبانة ومالي خلق شيء ..... وقتها كنت واصلة 7 او 8 .... بعدها بساعة قالت لي وصلتي 9 ..... فزقروا الدكتورة .... وقلت لها ... خلاص استسلم يمكن لاني ماكنت ماكلة ومرهقة ومب راقدة ابد وفوق هذا كان عندي ألم في نص جسمي ... مادري ليش... المهم بقدرة ربي وصلت ل 10 سانتي ... وخلتني اسوي بوش اوريدي كنت اسوي بوش وانا مادري مما أدى الي الضغط الكبير ع المهبل ... وطبعا بنوتي فديتها كانت عالقة وانا اقولها خلاص ماباااا اتقولي خلاص ماباقي شيء و ع الساعة 9 ونص شرفت البنوتة بعد ما استسلمت كمن مرة ... وطبعا صارخت بأعلى صوت وماكنت أتوقع من نفسي اني اصارخ لأني كنت هادية طول الوقت ... حسيت بألم فضيع وقت البوش ماعرف ليش ...... انصدمت من نفسي ... طبعا وقت مايت الدكتورة زوجي طلع برا وقف عند الباب يتريا ...... سمع صوت البنوتة جان يرتاح ... اول ماطلعت للدنيا حطوها ع بطني وانا جي **دومة اقول ف خاطري ( منو هاي ) !! هههههه حلوة صح ؟ عقب شلوها ونظفوها وجيه ويا الدكتور يجيك عليها .. وانا الدكتورة اميرة تمت اتخيطني بس يعور طبعا .... واقول لها خلااااص؟ تقول اهو يا بنتي اهو خلصنا ههههه ... بس احس لو لا قدرة ربي وكيف ما هي كانت تشجعني احس بتم جي ومابولد هههه ... وطبعا خلصنا .. ويابولي البنوتة ... وشليتها ف حضني وريلي دش الحجرة يطالعها حسيت جي دموع ف عيونه ... فرحان بشوفه بنته ... وفرحان اني بخير ... شلوني للغرفة ع الساعة 11 ...
ع الساعة وحده فليل يعني تاريخ 25 ...
بدت المآساة ..................!!!!!!!!
تاريخ 25 ? أغسطس ? 2014 :
قلت لهم عندي ألم فضيع ... يقولون مستحيل وأنا احس بهالألم من قالولي سوي بوش ... وانا قلت بعد البوش وبعد ماتطلع البيبي مابحس ب شيء ... بس تميت احس بألالام وحسسوني اني اتدلع ومافي ألم ..... تميت اصارخ من الألم ... واصارخ واصارخ ... يت الدكتورة تجيك قالولي وين الالم قلت مكان الخروج الله يعزكم ... تميت اتجيك قالت مافي شيء ...... قلت بموووت من الألم ... ع الساعة 1 فليل أغمى علي ... والكل انصدم ومن بعدها ماعرفت شو صار وهذي رواية زوجي :
أغمى عليج من الألم وكنتي شايلة الدنيا من الصريخ ... كلهم اتجمعوا عندج بس انتي مب ف وعيج ... الدكتورة ( المناوبة ) انصدمت وخافت اتصلت ع دكتورتي وفجاة تجمعوا كل الاستشاريين رجال ونساء كان عددهم 9 ... شلوني ودوني غرفة العمليات ... طبعا كل ها وانا مادري ... خلوا ريلي يوقع ع الاوراق... وريلي مايدري شو قاعد يصير ... خاف قال لهم خبروني شو صار .. محد يرمس كلهم في الغرفة يبون يعرفون شو صار ..تم يصارخ عليهم ... محد يرد... رايح وراد رايح وراد ...يقول لهم حد يطمني ... طلعت الدكتورة طمنته انها بخير ....وانت ادعيلها .... طبعا سوولي عملية في المهبل ونزفت واااااااااااااااااايد ونقلولي دم ... ع الساعة 5 الفجر شفته يالس عدالي وانا ناشة احس بألالام ... واشوفهم قاعدين ينقلون لي دم ... قلت له شسالفة ... قال لي جي وجي وجي صار وياج ... كنت بموت لو رحتي من ايدي ... كل ها ومحد من اهلي يدري ... ثاني يوم الكل درا .... زاروني ع اساس مربية ... مايدرون مسوية عملية ... وخبرتهم ... ( غلطتي اول ماربيت طرشت مسجات للجميع ع اساس ابشرهم ولا اشوفهم يقولون هيه هذي ربت وع طول طرشت اسميها فيها طاقة وانا كنت هلكانة بس عشان اطمنهم ) .... تميت أسبوع في المستشفى ... ابوي ماكان طايع اني اطلع يباني اتم لين اكون بخير.. بس المستشفى رخصوني ع اساس اني بخير ... ورحت بيت ابوي ... تميت يومين ... ... وبديت اتعافى ...
وللأسف الشديد ... يت وحده زارتني .... وبعدها رحت الحمام ... ( طبعا المربية بعد الولادة صعب عندها اتروح الحمام ) وانا طالعة اقول لهم يالسة انزف مب دم النفاس دم نظيف . عرفت حزتها اني بديت انزف مرة ثانية .... قلت بتحمل ... يومين تحملت وانا اصيح فليل ... يوم ريلي يا وشافني قال لي هالشيء مب طبيعي .... وقال بنام عندج اليوم ... ماقدر يحط راسه الا وانا اصااااااارخ مرة ثانية ... ودوني الطواري ... قالولنا مافي شيء ... بعدين الدكتورة جيكت مرة ثانية ولا هو نزيف وتبطل الجرح ... حولوني القاسمي ... هنيه الصدمه ( قالولي عندج نزيف داخلي والحجم كبير ) لو ماقدرنا انصلح الخطأ بنطر بطنج .. هنيه انا انفجرت أوريدي احس بالالام ... وفي نفس الوقت اخبار سيئة ... ف نفس اليوم قرروا عملية ثانية ... واهلي **دومين ... شو قاعد يصير .... بعد الولادة تعب وعمليات ... خياطتي الخارجية والداخليه بطلوها 3 مرات ... وطبعا تميت اسبوع بعد العملية ... واستوالي موقف خايس في المستشفى ( وحدة متزوجة تمت اتراكض ورا ريلي اونها تزورني وكذا وانا عصبت ع اساس اطلع خلاص تعب وعمليات وهذي فوق راسي انا ناقصة؟ ) المهم طلعت من المستشفى بسبتها رديت بيتي هالمرة وريلي منع عني كل الناس ... خاف من عيونهم ... الي سببت لي كل هذا ... طبعا ماكنت أدري ... ولكن الحمدلله على كل حال ....... انا وبنوتي الحين بخير وعافيه ... هذا من فضل ربي ... ومن ثم اهلي وزوجي ربي يحفظهم........
نصايح :
1- كل وحده تجربتها غير عن الثانية ... ف لا تحطون في بالكم الي صار مع اي حد ممكن يصير معاج ...
2- كل وحده لازم لازم لازم تقرا على نفسها وترقي عمرها وتقرا ع البيبي + ( لازمي السور الي تسهل عليج )
3- ابرة الظهر ( انا قريت عنها وااااااااايد قبل لا اسوي ) 2% من الناس الي تستويلهم مشاكل من هالأبرة .. صلي الاستخارة ... والمشاكل ( صداع وبعضهم الالام في الظهر ) مب شيء ثاني .. والاهم تختارين حد متخصص ..
4- ادويتج خذيها لو عندج الضغط او السكر ... لا تهملين نفسج والامراض الي عندج ...
5- اهتمي بنفسج وااااااااايد مهما ان صار ... لا تهملين نفسج بعد الولادة ... كريمات ادوية اي شيء عطوج ... أستخدميه عشان تتعافين بسرعة والالام تروح والخياطة تضبط .....الخ مرات تحتاجين عملية ترميم المهبل .. ( هذا اذا قررتي انج توقفين عيال فترة ويمكن لا )...
6- لا تستخدمين الخلطات وهالسوالف خصوصا لو عندج الضغط .. أو اي مرض ثاني بيسبب لج مضاعفات .. فحذاري ..
طبعا ماعرفتوا وين بتني كل هالفترة ... لما قعدت اول اسبوع في المستشفى ماكانت عندي كانت في قسم البيبيات رضعتها كمن مرة في المستشفى ... عقب طبعا يلست في بيت ابوي وانا رايحة ورادة من المستشفى عقب تميت في المستشفى فتررررة طويلة ... تقريبا 10 ايام .. وهي تمت في بيت ابوي مع مربية لين رجعت البيت ... فديتها انحرمت مني كنت كل يوم اصيح في المستشفى لاني بعيده عنها .. وعودتها ع الصناعي !!!
تفسير الي صار لي :
أنا لأني أعاني من الضغط والحمدلله ضغطي كان أوكي بس وقت البوش ... انقص عندي وريد في المهبل ... وهذا هو الوقت الي حسيت فيه بالالم بس اتحراه الم الولادة ... تم الدم يتجمع داخل واحنا ماندري لين ع الساعة 1 فليل يوم اغمى علي اكتشفوا ... طبعا سوولي عملية نظفوا لي الرحم ( النيرس بعد الولادة مانظفتني ) وربطوا الوريد يعني وصلوه مع بعض ... عقب خاطوني من الداخل ومن برا ... عقب في العملية الثانية الوريد رد اتبطل ف بطلوا الخياطة مرة ثانية ووصلوه again ... وجيه ..
وهذي قصتي يا حلوات ... أتمنى تكونون عشتوا تفاصيل القصة ...