الحمل ونفسيتي الي اباها تتغير ....ساعدوني

[rss]

الحمل ونفسيتي الي اباها تتغير ....ساعدوني
السلام عليكم ورحمه الله وبركاته

كل عام وانتو بخير وان شاء الله اتكون سنه خير عليكم
ا***اب مشترك مابين اربع بنات ومادري اذا مكان الموضوع صح

وحبيت اشارك هاي المره واخذ اقتراحاتكم وبشو تنصحوني
انا حابه اسوي تغير في نفسي بس مب وايد وايد
سنه 2014 كنت مرات اهمل نفسي في اشياء وحامل ومالي بارض لك شي والحين انا في شهري التاسع ودعواتكم اقوم بالسلامه
حبيت اغير من لوك شعري انا شعري طويل وايد وماحب اقصه لان رغبت ريلي وعندي القصه هاي المره طولتها وايد تنصحوني اقصها وكيف اغير وقلت بصيغ شعري تغير لوك الشعر
وحابه اسوي كيراتين شو رايكم ؟ اسوي وشو سلبياته للشعر

وحابه بعد اغير في طريقه وضع الميكب انا دايما احط كريم اساس ومسكره وكحل وروج خفيف اتم ع البساطه ولا اغير

وفي ملابسي بشو تنصحوني وين افصل جلابيات ومديلات حلوه مابا من عند تاجرات وايد مبالغات في اسعارهن وين بحصل في العين واذا في تاجرات اسعارهن حلوه ومب مبالغه

وايد حابه اغير من نفسيتي ويا ريلي احس اهملته في بعض الايام وكانت اتصير مشاكل وانا تعبانه من الحمل وانتو عارفين كيف نفسيت الحامل اتكون ... الريايل مايعرفون ها شي في الحامل والله يسهل عليه وعليكم كلكم
اغير الحين ولا اتريا لين اطلع من الاربعين
وحابه بعد الاربعين اهدي ريلي هديه او اعزمه في مكان حلو ورومانسي عطوني اقتراحاتكم
انصحوني اكثر وادري وايد طولت عليكم وادريبكم مابتقصرون وياي ... السموحه منكم
اترياكم ..