يا شمعة البيت ........... تعالي شوي

[rss]

يا شمعة البيت ........... تعالي شوي



السلام عليكم










خواتي ليش شغلكم الشاغل ازواجكم
كل همكم ولا فرحتكم ولا سعادتكم و قلوبكم متعلقة فيهم
و تفتشون و تلحقونهم و كل شي تسوون لهم
وين سار ليش طلع
ليش دوم يوصل اهله و انا لا
ليش ليش ليش يحب يطلع مع ربعه




منو ما يحب يطلعه مع ربعه والله يوم اطلع مع ربيعاتي وايد استانس عادي يعني
خلوا قلوبكم متعلقة برب العالمين









انا كنت شراتكم
يوم يكون معاي ما اقصر كامله و الكمال لله
و يوم ما يكون موجود استانس و اشوف حياتي و مرتاحة
و عندي ربيعات و كل شي و عندي استقلاليتي



اكتشفت **يبة ما ابغي ادخل ف تفاصيلها غيرت لي حياتي 360 درجه
من ناحية التقصير فهو مب مقصر سواء ماديا ولا غيره
كانت يدتي تقول لي "فضي جيب الريال عسب ما اييب لج حرمه تقصد حبيبة او زوجه ثانية "



وانا الحمد الله و الشكر كلما ابغي اشتري شي وياه اقول حرام حليله ما عنده
يبني بيت حليله يسفرنا يودينا ....... الخ
و غلطتي كانت الثقة و اني ما افتش وراه ع اساس " الثقة متبادلة " و لازم الوحدة ما تنبش ورى ريلها
ف البداية طبعا تصيحين و تنقهرين و تموتين حزن و الم
كنت انش الفير و اصيح
المهم الحين عادي





بس سبحان الله بنات
رب العالمين عطانا نعمة النسيان
و الحمد الله اهم شي ان رب العالمين عطانا العمر و الصحة
في ناس مففتقدييين نعمة الصحه
و الام و الاب و العيال و الزوج و الشغل و الدراسة و سواقة السيارة و كل شي
كل شي عندنا نعمة
خير يا طير ريلج خانج يعني انتي اول وحدة
الحين الاميره ديانا خانها تشارلز مع اللي ما تتسمى و هي جمال و مال و نسب
وين نحن بعد خخخخخخخخخخخخخخ





الحين الدور عليج تمسكين بيتج و انتي حرة ***ينه او ما ***ينه شي راجع لج
***ين تهددينه ***ين تزعلين براحتج هاي اشياء خاصة ما بدخل فيها ابدا
***ين تغيرين نفسج حق نفسج مب حقه عسب تنسين و ترتاحين و تستانسين





النعم موجودة
لا تجحدون فيها عسب انسان
قلوبكم تكون متعلقة برب العباه مب بالعبد نفسه





ع فكرة انا وايد اهتم و اكشخ
بس مرات مرات ايود عمري عن الصرف
و لكن


تدرون يوم صارت السالفة شو سويت
شريت لي سيارة ثانية
شريت لي شنطة ب سعر و قدره و اكسسوارات و سوالف غاليه
يمكن عسب اقهره او اقهر عمري هههههههههههههه
و سجلت في جم مب لاني متينة لاني ابغي اتم رشيقة و ما فيني لياقة
فصلت لي جمن عباه

في ناس يرتاحون بالشوبينق وانا منهم



و غيرت بعض الاشياء في حياتي
الحين كلما اطلع وياه --> ادخل و اتشرى ع راحتي مب شرات قبل اقول حرام ما عنده
وانا اشتغل و بشتري لي




حرمته عليه عيشته خله يدفع ليش قلبج يعورج عليه
الفلوس تروح لج مب لحد غريب
اليوم يدفع لج احسن مما يدفع لغيرج او لربعه او لوناسته
عندج مواعيد خليه يوصلج
الجمعية الاغراض كل شي
مع ان من يومي اسوي جي بس زدت العيار حبتين



في حريم بيقولون نحن نساعد رياييلنا
هذا شي وايد خاص و يختلف من بيت ل بيت
ما اقدر ادخل فيه براحتكم





قبل يوم يكون موجود عندي اقعد معاه دوم و اسوي القهوة و الجاي و السويت
بس الحين اقول له " سكيوز مي عندي جم جوف اليهال و دير بالك عليهم مع السلامة"
طبعا مب دوم بس في بعض الاحيان




عندي عرس ف السلع ف الفجيرة ف اي مكان
ان شاء الله في دولة ثانية
بكلام حلو و اخليه يوصلني
ليش احكر عمري ف البيت عسب اليهال و عسب ريل؟؟
اليهال تقدرين تودينهم اي مكان عند ريلج اهلج اهل ريلج ربيعاتج حضانه او معاج



و عمره الحمل و كثرة اليهال ما تربط الريال
اللي مب زين لو اتيين له درزن ما بيربطه بيشرد اكثر




العلاقات الاجتماعية وايد مهمة في حياة الحرمة
الاستقلالية مهمة بعد مب شرط الوحدة تشتغل يعني مستقله لا
حتى اللي ما تشتغل تشغل نفسها بشي مفيد و تسوي لها مشروع حلو و خفيف ع القلب




عيشي حياتج و استانسي
لان الريال يحب الحرمة اللي جي
يركض وراها يربع وراها
و يغار عليها اكثر



اهتمي ف نفسج و ف جمالج و البسي و ترصصي
و ارقصي ع الوحدة و نص
و روحي الجم و النوادي و بتلقين سوالف حلوة يوغا و رقص و زومبا و كارتيه لو ***ين تضربينه ههههههههه
و اهتمي بعلاقاتج مع كل حد خليها حلوة و جميله و جاملي الناس



نصيحة لكم
انتي رقم 1
و انتي نور البيت و شمعته
و لا تذكرين اي عيب فيج يدامه ابدا
و دايما امدحي نفسج و تغزلي بعمرج



و هو رقم 2
و هو عمود البيت و هو الريال يصرف و يسوي





اسأل مجرب ولا تسأل طبيب