أرشيف الوسم: Times Now Marathi

Ladki Bahin Yojana: लाडक्या बहिणींच्या अर्ज पडताळणीला ब्रेक; नेमकं काय घडलं? अडीच कोटी लाडक्या बहिणींसाठी महत्त्वाची बातमी

3 أبريل، 2025غير مصنفIncome Tax Department is being uncooperative، ladki bahin yojana، Ladki Bahin Yojana application verification stopped، Ladki Bahin Yojana Updates، Maharashtra، maharashtra News، Mukhyamantri Majhi Ladki Bahin Yojana، News News، Times Now Marathi، इन्कम टॅक्स विभागाकडून लाडक्या बहिणींच्या उत्पन्न देण्यास असहकार، महाराष्ट्र न्यूज، मुख्यमंत्री माझी लाडकी बहीण योजना، लाडकी बहीण योजना، लाडकी बहीण योजना अपडेट्स، लाडक्या बहिणींच्या अर्ज पडताळणीला ब्रेक، लाडक्या बहिणींच्या अर्जांची पडताळणी थांबली

Ladki Bahin Yojana latest updates: मुख्यमंत्री माझी लाडकी बहीण (Mukhyamantri Majhi Ladki Bahin) ही महायुती सरकारची अत्यंत महत्त्वाकांक्षी योजना आहे. या योजनेमुळेच महायुतीला विधानसभा निवडणूक 2024 मध्ये महाविजय मिळाल्याचं बोललं जात आहे. पण पुन्हा सत्तेत आल्यावर सरकारने आता लाडक्या बहिणींच्या अर्जांची पडताळणी करण्याचा निर्णय घेतला. काही महिला योनजेच्या निकषात बसत नसतानाही लाभ घेत असल्याने अर्जांची पडताळणी करण्यात येत आहे. पण आता या अर्ज पडताळणीला ब्रेक लागल्याचं वृत्त समोर आलं आहे.

या योजनेच्या अटी शर्तीनुसार लाभार्थी महिलांसाठीची पात्रता आणि अपात्रता ठरवण्यात आली आहे. त्याच निकषांनुसार अर्जांची छाननी करण्यात येत आहे. योजनेच्या निकषांनुसार, अर्ज केलेल्या महिलेकडे सक्षम प्राधिकारी यांनी दिलेला कुटुंब प्रमुखाचा उत्पन्नाचा दाखला (वार्षिक उत्पन्न 2.50 लाख रुपयांपर्यंत असणे अनिवार्य) असणे आवश्यक आहे. मात्र, काही महिलांचे उत्पन्न यापेक्षा अधिक असतानाही योजनेचा लाभ घेत आहेत. त्यामुळे अर्जांची छाननी करण्यात येत आहे.

महिलांच्या उत्पन्नाची माहिती मिळवण्यासाठी आयकर विभागाकडे राज्य सरकारने माहिती मागितली होती. मात्र, आयकर विभागाने ही माहिती अद्याप दिली नाहीये. तसेच आयकर विभागाने ही माहिती देण्यास असहकार दर्शवल्याचंही वृत्त समोर आलं आहे. त्यामुळेच लाडक्या बहिणींच्या अर्जांची छाननी रखडली असल्याचं वृत्त एबीपी माझा वृत्तवाहिनीने दिलं आहे.

मिळालेल्या माहितीनुसार, राज्य सरकारने लाडक्या बहिणींच्या उत्पन्नाबाबत आयकर विभागाकडे मागितलेली माहिती लवकरच मिळणार असल्याचं बोललं जात आहे. ही माहिती मिळाल्यावर महिलांच्या अर्जांची छाननी सुरू होणार आहे.

…म्हणून महिलांचा लाभ बंद होतो

महिला व बालविकास मंत्री अदिती तटकरे यांनी काही दिवसांपूर्वी योजनेबाबत माहिती देताना म्हणाल्या की, ही योजना 21 ते 65 वयोगटातील महिलांसाठी लागू आहे, त्यामुळे 65 वर्षे पूर्ण करणाऱ्या महिलांचा लाभ दर महिन्याला बंद होतो. यामुळे लाभार्थ्यांची संख्या नियमितपणे बदलत असते. सध्या सुमारे 1.20 लाख महिलांनी वयोमर्यादा ओलांडल्यामुळे त्या योजनेतून बाद झाल्या आहेत. त्याचप्रमाणे, विवाहानंतर इतर राज्यांत स्थायिक झालेल्या महिलांचाही योजनेंतर्गत विचार केला जात नाही. राज्यातील जवळपास अडीच कोटी महिलांना या योजनेचा लाभ मिळत असून, महिलांच्या जीवनात सकारात्मक बदल घडून आला आहे. यामुळे महिलांकडून सरकारचे अभिनंदन केले जात आहे.

Source link

Ladki Bahin Yojana: ‘लाडक्या बहिणींना 2100 रुपये देणं अवघड’, महायुतीच्या नेत्याच्या विधानामुळे चिंता वाढली

2 أبريل، 2025غير مصنفladki bahin yojana، ladki bahin yojana 1500، ladki bahin yojana 2100، ladki bahin yojana 500، Ladki Bahin Yojana update، Mahayuti Government، mukhyamantri mazi ladki bahin yojana، News News، ramdas athawale، ramdas athawale on ladki bahin yojana، Times Now Marathi، नमो शेतकरी सन्मान योजना، मुख्यमंत्री माझी लाडकी बहीण योजना، लाडकी बहीण योजना

KEY HIGHLIGHTS

लाडकी बहीण योजनेबाबत नवी अपडेट
लाडक्या बहिणींची चिंता वाढली
लाडक्या बहिणींना 2100 रुपये देणे अवघड

Ramdas Athawale on Ladki Bahin Yojana: महाराष्ट्र सरकारची लाडकी बहीण योजना ही योजना देशभरात चर्चेत आहे. आतापर्यंत अडीच कोटी महिलांना या योजने अंतर्गत लाभ देण्यात आला आहे. या योजनेअंतर्गत पात्र महिलांना दरमहा 1500 रुपये दिले जातात. आगामी काळात ही रक्कम 2100 रुपये होणार असल्याचे आश्वासन महायुतीच्या नेत्यांनी दिलेले आहे. मात्र अद्याप याबाबत कोणताही निर्णय झालेला नाही. अशातच आता महायुतीचे नेते आणि केंद्रीय मंत्री रामदास आठवले यांनी यावर भाष्य केले आहे. याबाबत माहिती जाणून घेऊयात.

लाडक्या बहिणींना 2100 रुपये देणं अवघड – आठवले

लाडक्या बहिणींना 2100 रुपये देण्याचे आश्वासन महायुतीच्या नेत्यांनी विधानसभा निवडणूकीच्या प्रचारात दिले होते. मात्र सत्ता आल्यानंतरही याबाबत अद्याप कोणताही निर्णय घेण्यात आलेला नाही. या योजनेमुळे सरकारी तिजोरीवरील बोजा वाढला असल्याचे समोर आले आहे. अशातच आता केंद्रीय मंत्री रामदास आठवले यांनी ‘लाडक्या बहिणींना 2100 रुपये देणे अवघड जात आहे. सरकारने दिलेल्या आश्वासनामुळे महिलांनी मतदान केले आहे. पुढच्या बजेटआधी लाडक्या बहिणींचे पैसे द्यावेत.’ असं म्हटलं आहे.

या महिलांना केवळ 500 रुपये मिळणार

समोर आलेल्या माहितीनुसार, नमो शेतकरी आणि लाडकी बहीण या दोन्ही सरकारी योजनांचा लाभ घेणाऱ्या महिलांची संख्या 8 लाखांपेक्षा जास्त आहे. नमो शेतकरी योजनेअंतर्गत महिलांना 12000 रुपये दिले जातात. यात राज्य सरकारचे 6 हजार रुपये आणि केंद्र सरकारच्या 6 हजार रुपयांचा समावेश आहे. मात्र लाडकी बहीण योजनेच्या नियमानुसार, लाभार्थी महिलांना शासकीय योजनेमधून वर्षाला 18 हजार रुपयांपेक्षा जास्त लाभ दिला जाणार नाही. त्यामुळे आता या महिलांना लाडकी बहीण योजोनत वार्षिक 18 हजार रुपयांऐवजी केवळ 6 हजार रुपयेच मिळण्याची शक्यता आहे. म्हणजेच दर महिन्याला 1500 रुपयांऐवजी केवळ 500 रुपये दिले जाण्याची शक्यता आहे. ‘लोकमत’नं याबाबत वृत्त दिले आहे.

लाभ कमी करण्याचा प्रस्ताव

मिळालेल्या माहितीनुसार, राज्यातील सव्वा आठ लाख महिलांना नमो शेतकरी योजनेचे 12 हजार रुपये मिळत आहेत. आता या महिलांना लाडकी बहीण योजनेअंतर्गत 6 हजार रुपये म्हणजे दरमहा 500 देण्याचा प्रस्ताव माडण्यात आला आहे. त्यामुळे आता आगामी काळात या सव्वा आठ लाख महिलांना केवळ 500 रुपये दिले जाण्याची शक्यता आहे. हा निर्णय अंमलात आल्यास सरकारी तिजोरीवरील 1400 कोटींचा बोजा कमी होण्याची शक्यता आहे.

Source link

Ladki Bahin Yojana: लाडक्या बहिणींना एप्रिल महिन्याचा हप्ता कधी मिळणार? नववर्षात नवी अपडेट आली समोर

1 أبريل، 2025غير مصنفladki bahin yojana، Ladki Bahin Yojana April Month Installment، Ladki Bahin Yojana Installment، Ladki Bahin Yojana latest updates، Ladki Bahin Yojana new year installment، News News، Times Now Marathi، लाडकी बहीण योजना، लाडकी बहीण योजना अपडेट्स، लाडकी बहीण योजना न्यूज، लाडकी बहीण योजनेचे पैसे कधी मिळणार، लाडक्या बहिणींच्या खात्यात पैसे कधी जमा होणार، लाडक्या बहिणींना आनंदाची बातमी، लाडक्या बहिणींना एप्रिल महिन्याचा हप्ता कधी मिळणार

When will get April month installment of Ladki Bahin Yojana: मुख्यमंत्री माझी लाडकी बहीण योजनेच्या अंतर्गत पात्र महिलांना दरमहा 1500 रुपये देण्यात येतात. ही रक्कम वाढवून 2100 रुपये करण्याचं आश्वासन महायुती सरकारने दिलं होतं. मात्र, अर्थसंकल्पीय अधिवेशनात 2100 रुपये देण्याबाबत कोणतीही घोषणा झाली नाही. उलट योजनेच्या लाभार्थी महिलांच्या अर्जांची छाननी होत असून निकषात न बसणाऱ्या महिलांना अपात्र ठरवण्यात येत आहे.

सरसकट महिलांना लाभ न देता निकषात न बसणाऱ्या महिलांना अपात्र ठरवण्यात येत आहे. तसेच योजनेची रक्कम वाढवण्यात आलेली नसल्याने विरोधकांनी ही योजना लवकरच बंद होणार असल्याचा अंदाज वर्तवला आहे. त्यामुळे लाडक्या बहिणींच्या मनात संभ्रम आहे. आता एप्रिल महिना उजाडला असून या महिन्याचा हप्ता कधी जमा होणार असा प्रश्न लाडक्या बहिणींच्या मनात आहे. याच एप्रिल महिन्याच्या हप्त्याबाबत नवी अपडेट समोर आली आहे.

लाडकी बहीण योजनेच्या अंतर्गत आतापर्यंत एकूण नऊ हप्त्यांचे एकूण 13,500 रुपये (जुलै, ऑगस्ट, सप्टेंबर, ऑक्टोबर, नोव्हेंबर, डिसेंबर, जानेवारी, फेब्रुवारी, मार्च) लाडक्या बहिणींच्या बँक खात्यात जमा झाले आहेत. आता 10वा हप्ता एप्रिल महिन्यात मिळणार आहे. पण एप्रिल महिन्याचा हप्ता नेमका कधी खात्यात जमा होणार? याबाबत अद्याप कोणतीही अधिकृत घोषणा झालेली नाहीये. पण आता एक नवीन अपडेट समोर आली आहे.

एप्रिल महिन्याचा हप्ता कधी मिळणार?

लाडक्या बहिणींना फेब्रुवारी आणि मार्च महिन्याचा हप्ता महिला दिनाच्या पूर्वसंध्येपासून देण्यात आला होता. एप्रिल महिन्याचा लाभ रामनवमीच्या मुहूर्तावर दिला जाण्याची शक्यता वर्तवण्यात आली होती. मात्र, या महिन्याचा हप्ता उशिरा मिळण्याची शक्यता वर्तवण्यात येत आहे.

कारण काय?

लाडकी बहीण योजनेच्या निकषांनुसार, अर्ज केलेल्या महिलेकडे सक्षम प्राधिकारी यांनी दिलेला कुटुंब प्रमुखाचा उत्पन्नाचा दाखला (वार्षिक उत्पन्न 2.50 लाख रुपयांपर्यंत असणे अनिवार्य) असणे आवश्यक आहे. मात्र, काही महिलांचे उत्पन्न यापेक्षा अधिक असतानाही योजनेचा लाभ घेत आहेत. त्यामुळे अर्जांची छाननी करण्यात येत आहे. महिलांच्या उत्पन्नाची माहिती मिळवण्यासाठी आयकर विभागाकडे राज्य सरकारने माहिती मागितली होती. मात्र, आयकर विभागाने ही माहिती अद्याप दिली नाहीये. परिणामी अर्जांची छाननी अद्याप पूर्ण झालेली नाहीये. यामुळे एप्रिल महिन्याच्या हप्त्याला उशीर होण्याची शक्यता वर्तवण्यात येत आहे.

Source link

Ladki Bahin Yojana: मोठी बातमी! लाडकी बहीण योजना बंद होणार! ‘या’ मोठ्या नेत्यानं वर्तवलं भाकित

1 أبريل، 2025غير مصنفLadki Bahin Yojana 10th Installment، Ladki Bahin Yojana April Month Installment، Ladki Bahin Yojana installment amount when will deposit in bank account، Ladki Bahin Yojana next installment، Ladki Bahin Yojana Updates، Ladki Behan Yojana، Ladki Behan Yojana Update، Maharashtra Breaking News، Maharashtra Navnirman Sena، maharashtra News، MNS، News News، Times Now Marathi، लाडकी बहीण योजना، लाडकी बहीण योजना अपडेट، लाडकी बहीण योजना बंद होणार?، लाडक्या बहिणींच्या खात्यात पैसे कधी जमा होणार، लाडक्या बहिणींना 10 वा हप्ता कधी मिळणार، लाडक्या बहिणींना एप्रिल महिन्याचा हप्ता कधी मिळणार، लाडक्या बहिणींना पैसे कधी मिळणार، लाडक्या बहिणींसाठी महत्त्वाची बातमी

लाडकी बहीण योजना बंद होणार

Ladki Bahin Yojana Update: मुख्यमंत्री माझी लाडकी बहीण योजनेच्या अंतर्गत राज्यातील आर्थिक दृष्ट्या दुर्बल महिलांना दरमहा 1500 रुपये लाभ दिला जातो. आता एप्रिल महिन्याच्या हप्ता कधी मिळणार याबाबत महिलांना उत्सुकता लागली आहे. अशात लाडकी बहीण योजना बंद होणार, असे भाकित महाराष्ट्र नवनिर्माण सेना अध्यक्ष राज ठाकरे यांनी केलं आहे. गुढीपाडव्यानिमित्त दादरच्या शिवाजी पार्कमध्ये मनसेचा मेळावा आयोजित करण्यात आला होता. या मेळाव्याला संबोधित करताना राज ठाकरे यांनी लाडकी बहीण योजना बंद होणार असल्याचं वक्तव्य केलं आहे.

लाडकी बहीण योजना बंद होणार असल्याचं भाकित राज ठाकरे यांनी केलं आहे. लाडकी बहीण योजनेमुळे सरकारवर मोठा आर्थिक बोजा पडत असल्याचे राज यांनी म्हटलं आहे. लाडकी बहीण योजना बंद होणार असे आपण आधीही सांगितलं होतं आणि आताही सांगत आहे. लाडकी बहीण योजना जास्त दिवस राहणार नाही. राज्यातील लाडक्या बहीणांना 2100 रुपये निधी केल्यास सरकारवर वर्षाला 63 हजार कोटींचा बोजा पडणार असल्याचंही राज ठाकरे यांनी यावेळी सांगितलं.

हेही वाचा…

गंगा प्रदुषणावरून जोरदार टीका

राज ठाकरे यांनी पुन्हा एकदा गंगा प्रदुषणावरून भाजप सरकारवर जोरदार टीका केली. राज ठाकरे यांनी यापूर्वी कुंभमेळ्यावर केलेल्या टीकेनंतर धर्माच्या मुद्द्यावरून टीका करणाऱ्यांचा देखील समाचार घेतला आहे. आपल्या नैसर्गिक संपत्तीवर धर्म आडवा येत असेल तर काय करायचा असा धर्म असा सवाल उपस्थित करत, आपण नको का त्यात बदल करायला, असे देखील राज ठाकरे म्हणाले.

राज ठाकरे म्हणाले की, अनेक विषय आहेत, त्यातला पहिला विषय कुंभ मेळा. मी त्या दिवशी म्हटल्याप्रमाणे बाळा नांदगावकर यांनी पाणी आणलं आणि मी त्यांना सांगितलं की मी ते पिणार नाही. त्यामुळे नव्याने वारं शिरलेल्या हिंदु्त्त्ववाद्यांना वाटलं की मी त्यांचा अपमान केला. आपल्या देशातील नद्यांची जी भीषण अवस्था आहे, जिला आपण माता, देवी म्हणतो त्या नद्यांकडे आपल्या राज्यकर्त्यांचे अजिबात लक्ष नाही. राजीव गांधींनी गंगा साफ करण्याचं सर्वात आधी अश्वासन दिले, त्यानंतर 2014 मध्ये पंतप्रधान मोदींनीही तेच अश्वासन दिलं.

राज ठाकरे म्हणाले, आपल्याकडच्या नद्यांची अवस्था अशी आहे, की त्यातलं पाणी पिण्याची सोय नाही. त्यातलं पाणी पिल्याने लाखो लोक आजारी पडल्याचे मला अनेकांनी सांगितलं. प्रश्न हा गंगेच्या अपमानाचा किंवा कुंभमेळ्याच्या अपमानाचा नाही, प्रश्न हा पाण्याच्या स्थितीचा आहे. कशा प्रकारचं पाणी तिथे असतं, त्यात काय सोडलं जात, ते तुम्ही थांबवू शकता. आतापर्यंत 33 हजार कोटी रुपये खर्च झाले यासाठी. जशीच्या तशी प्रेतं गंगेच्या पाण्यात सोडले जात आहेत, हा कोणता धर्म आहे. आपल्या नैसर्गिक संपत्तीवर धर्म आडवा येत असेल तर काय करायचा असा धर्म, आपण नको का त्यात बदल करायला?

आपण धर्माच्या नावाखाली नद्या नष्ट करत आहोत- राज

पुढे बोलताना ठाकरे म्हणाले, अशा प्रकारचे विधी करण्यासाठी त्या घाटावर जागा करता येत नाही का. लोक ऐकत कसे नाहीत. दारु पिऊन गाडी चालवल्यावर पोलिस पकडतात हे ऐकल्यावर लोक टॅक्सिने जायला लागलं होतं की नाही पिऊन. झाली की नाही सुधारणा. आपल्याकडील नद्याच्या बाजूचे जे भाग आहेत ते अतिशय गलिच्छ आहेत. या नद्या आपण धर्माच्या नावाखाली बरबाद करत आहोत. प्रत्येकाला आपापापला धर्म प्यारा असतो, प्रत्येकाने आपापापल्या धर्मात सुधारणा केल्या पाहिजेत. 62 कोटी लोक येऊन गेले असे म्हणातात. म्हणजे अर्धा भारत. त्यातले 5 लाख व्हिव्हिआयपी असतील. ते तर काठावरच बसले असतील. प्रत्येकाची 200-200 ग्राम पकडा. आपण चीनची भिंत बांधली असती.

हेही वाचा….

दरम्यान, महाराष्ट्रातील नद्यांचीही स्थिती तशीच आहे. या सर्व नद्यांमधील पाणी वाईट असल्याचे अनेक रिपोर्ट आहेत. हे मी सांगत नाही. मुंबईत पाच नद्या होत्या. त्यातील 4 नद्या मेल्या म्हणजे त्या मारल्या गेल्या. सांडपाणी, झोपडपट्ट्या या सर्वांमुळे 4 नद्या मेल्या आणि आता पाचवी मीठी नदी मरायला आली आहे. काल मी या नदीचे शूटिक करायला सांगितलं होतं. तिची स्थीत अशी आहे. या सर्व नद्या मारून टाकल्या आहेत. जोपर्यंत अजुबाजूची वस्ती हटत नाही, तोपर्यंत या नद्या साफ होणार नाही. या नद्यात मोठ्या प्रमाणात केमिकल सोडलं जातं.

Source link

Ladki Bahin: लाडक्या बहिणींसाठी सरकारचा आणखी एक महत्त्वपूर्ण निर्णय, कोट्यवधी महिलांना मिळणार लाभ

31 مارس، 2025غير مصنف50 percent concession on tickets Women passengers in st bus، maharashtra government، Maharashtra State Transport Buses، MSRTC، News News، ST Bus، ST Mahamandal، Times Now Marathi، Woman passengers، एसटी प्रवासी، एसटी बस، एसटी बस महिलांना तिकीट दरात सवलत، परिवहन मंत्री प्रताप सरनाईक، महाराष्ट्र एसटी बस، महाराष्ट्र राज्य परिवहन، लाडक्या बहिणींना एसटी बस प्रवासात सवलत सुरूच राहणार

Ladki Bahin 50 percent concession: मुख्यमंत्री माझी लाडकी बहीण योजना ही महायुती सरकारसाठी गेमचेंजर ठरली. या योजनेसोबतच राज्य सरकारने महिलांसाठी विविध योजना लागू केल्या आहेत. लाडकी बहीण योजनेच्या अंतर्गत पात्र महिलांना दरमहा 1500 रुपयांचा आर्थिक लाभ देण्यात येत असतो. पण लाडकी बहीण योजनेमुळे सरकारच्या तिजोरीवर मोठा भार येत असल्याने सरकार काही योजना बंद करण्याच्या तयारीत असल्याचं बोललं जात आहे.

राज्य सरकारने महिलांसाठी सुरू केलेली आणखी एक योजना म्हणजे महिला प्रवाशांना एसटी बसमधून प्रवास करताना तिकीट दरात 50 टक्क्यांची सवलत आहे. लाडकी बहीण योजनेमुळे महिलांना देण्यात येणारी एसटी बस प्रवासात 50 टक्क्यांची सवलत बंद होणार असल्याचीही चर्चा जोरदार सुरू झाली. मात्र, आता यावर परिवहन मंत्री प्रताप सरनाईक यांनी स्पष्टीकरण दिलं आहे.

मुख्यमंत्री माझी लाडकी बहीण योजना सुरू राहणार आहे. तसेच या योजनेमुळे लाडक्या बहिणींना एसटी प्रवासाच्या तिकीट दरात मिळणारी सवलत बंद होणार नाहीये. ही योजना बंद करण्याचा कोणताही विचार सरकारचा नाहीये असंही परिवहन मंत्री प्रताप सरनाईक यांनी स्पष्ट केलं आहे. सकाळने या संदर्भात वृत्त दिलं आहे.

योजनांमुळे ‘एसटी’ला नवसंजीवनी

75 वर्षे आणि त्यापेक्षा अधिक वय असलेल्या नागरिकांसाठी राज्य परिवहन (एस.टी.) महामंडळाच्या माध्यमातून ‘अमृत मोफत प्रवास’ योजना आणि महिलांसाठी प्रवास भाड्यात 50 टक्के सवलत असलेली ‘महिला सन्मान’ ही महिला विशेष अशा दोन स्वतंत्र योजना सुरु केल्या. या योजनांना संपूर्ण महाराष्ट्रात अत्यंत उत्तम प्रतिसाद मिळत आहे. या योजनांमुळे राज्य परिवहन महामंडळाला जणू नवसंजीवनीच मिळाली आहे.

या योजनांना मिळणाऱ्या प्रतिसादामुळे महामंडळाच्या तिजोरीत भरमसाठ वाढ होताना दिसून येत आहे. समाजाचा एक महत्वाचा घटक असलेल्या ज्येष्ठांसाठीच्या ‘अमृत मोफत प्रवास’ योजनेमुळे तसेच महिलांच्या सन्मानार्थ सुरु केलेल्या ‘महिला सन्मान’ योजनेमुळे एस. टी.महामंडळाची प्रवासी वाहतूक बस पूर्ण क्षमतेने भरली जाते तसेच शासनाकडून मिळणाऱ्या परताव्यामुळे एस. टी. महामंडळाचे उत्पन्न दिवसेंदिवस वाढत आहे.

Source link

Ladki Bahin Yojana: लाडक्या बहिणींच्या कामाची बातमी; योजनेचे खाते उघडणाऱ्या महिलांना 25 हजारपर्यंतचे कर्ज मिळणार

30 مارس، 2025غير مصنفAjit Pawar، ladki bahin yojana، Ladki Bahin Yojana Bank Account، Ladki Bahin Yojana News، Ladki Bahin Yojana Updates، maharashtra News، Mukhyamantri Majhi Ladki Bahin Yojana، Mumbai Bank، Mumbai Bank to provide loan to ladki Bahin، News News، Times Now Marathi، अजित पवार، मुख्यमंत्री माझी लाडकी बहीण योजना، मुंबई बँक लाडक्या बहिणींना 25000 रुपयांपर्यंत कर्ज देणार، लाडकी बहीण योजना، लाडक्या बहिणींना 25000 रुपयांपर्यंत कर्ज मिळणार، लाडक्या बहिणींना मिळणार कर्ज

Mumbai Bank to provide loan for Ladki Bahin: मुख्यमंत्री माझी लाडकी बहीण योजना अंतर्गत राज्य सरकारकडून पात्र लाडक्या बहिणींना दरमहा 1500 रुपये देण्यात येतात. याच लाडक्या बहिणींना आता कर्ज सुद्धा मिळणार आहे. या संदर्भात राज्याचे अर्थमंत्री अजित पवार यांनी विधानसभेत माहिती दिली आहे. जाणून घेऊयात अजित पवार यांनी नेमकं काय म्हटलं आहे.

मुख्यमंत्री माझी लाडकी बहीण या योजनेसाठी पुरेसा निधी निश्चितपणे देऊ, हा विश्वास बहिणींना देत असल्याचेही उपमुख्यमंत्री अजित पवार यांनी सांगितले. योजनेतून दरमहा 1500 रुपयांची थेट रोख रक्कम महिलांना मिळत आहे. महिला सक्षमीकरणाचे एक मोठ पाऊल शासनाने उचलले आहे.

लाडकी बहीण योजनेच खाते उघडणाऱ्या महिलांना मुंबई बँक 10 ते 25 हजारापर्यंतची कर्ज देणार आहे. म्हणजे, ही योजना केवळ मदतीची राहणार नाही तर त्यामधून महिलांचं सक्षमीकरण करण्याच्या बाबतीत आपण आणखी एक पाउल पुढे टाकण्याचे आवाहन त्यांनी केले. सुमारे 45 हजार कोटी वर्षाला महिलांच्या हातात जाणार आहेत. या माध्यमातून महिला सक्षम होईल, तिच्या कुटुंबाला हातभार लागेल आणि हा पैसा राज्याच्या अर्थव्यवस्थेत येऊन अर्थव्यवस्थेला मोठे योगदान मिळेल.

योजनेत दुरुस्ती करणार…

राज्य सरकारची लाडकी बहीण योजना ही केवळ गरीब महिलांसाठी आहे. त्या दृष्टीने या योजनेत दुरुस्ती करावी लागणार आहे. योजनेतील लाभार्थ्यांना आतापर्यंत दिलेल्या लाभाची रक्कम परत घेतली जाणार नाहीये असेही अर्थमंत्री आणि उपमुख्यमंत्री अजित पवार म्हणाले.

उपमुख्यमंत्री अजित पवार पुढे म्हणाले की, विविध समाज घटकांच्या हिताच्या योजना बंद करणार नाही. पण काही योजना अशा असतील ज्यांची गरज संपली असेल अशा योजना सरकार बंद करेल. अशा योजनांसाठी निधी दिलेला नाहीये. लाडकी बहीण योजना ही बंद करणार नाही असेही अजित पवार म्हणाले.

सामाजिक न्यायासाठी भरीव तरतूद

आपण सर्वांनी कल्याणकारी राज्याची संकल्पना स्वीकारलेली आहे आणि त्याचा पाठपुरावा सातत्याने करीत आहे. जोपर्यंत मागे राहिलेल्या समाजघटकांना संधी आणि बळ सरकारकडून मिळणार नाही तोपर्यंत विकसित महाराष्ट्राचे स्वप्न पूर्ण होणार नाही.

त्यामुळेच अनुसूचित जाती आणि अनुसूचित जमातीच्या उपयोजनांसाठी 40 टक्क्यांची वाढ प्रस्तावित केलेली आहे. इतर मागासवर्ग, विमुक्त जाती, भटक्या जमाती, विशेष मागास प्रवर्गातील समाज, धनगर, अपंग यांच्यासाठी देखील भरीव तरतुदी केलेल्या आहेत. धनगर, गोवारी समाजाला आदिवासी उपयोजनांच्या धर्तीवर 22 योजना राबविण्यात येतील.

Source link

Ladki Bahin Yojana: लाडकी बहीण योजनेबाबत महायुती सरकारमधील मंत्र्यांचं मोठं विधान, योजना बंद होणार?

29 مارس، 2025غير مصنفladki bahin yojana، Ladki Bahin Yojana News، Ladki Bahin Yojana Updates، Maharashtra، maharashtra News، Mukhyamantri Majhi Ladki Bahin Yojana، Times Now Marathi، महाराष्ट्र News، मुख्यमंत्री माझी लाडकी बहीण योजना، लाडकी बहीण योजना، लाडकी बहीण योजना बंद होणार?، लाडक्या बहिणींमुळे राज्य सरकारच्या तिजोरीवर भार

Maharashtra Ladki Bahin Yojana: ‘मुख्यमंत्री – माझी लाडकी बहीण’ योजना ही महायुती सरकारची अत्यंत महत्त्वाकांक्षी अशी योजना आहे. या योजनेच्या माध्यमातून पात्र महिलांना दरमहा 1500 रुपये देण्यात येतात. तसेच अर्थसंकल्पीय अधिवेशनात लाडक्या बहिणींना देण्यात येणाऱ्या रकमेत वाढ करुन 2100 रुपये करण्याचा विचार केला जाईल असे महायुती सरकारने सांगितलं होतं. मात्र, अर्थशंकल्पात 2100 रुपयांच्या संदर्भात कोणताही घोषणा झाली नाही. उलट निकषांच्या आधारे महिलांना अपात्र ठरवण्यास सुरुवात झाली. तसेच फेब्रुवारी महिन्याचा हप्ता मिळण्यास मार्च उजाडला. विरोधक आधीपासूनच ही योजना बंद होणार असल्याचं बोलत असतानाच आता महायुती सरकारमधील मंत्र्याने योजनेबाबत मोठं विधान केलं आहे.

लाडकी बहीण योजनाच बंद केली तर दुसऱ्या योजना सुरू करता येतील असे विधान काही दिवसांपूर्वी शिवसेनेचे नेते रामदास कदम यांनी केलं होतं. त्यानंतर आता महायुती सरकारमधील क्रीडा मंत्री दत्तात्रय भरणे यांनी लाडकी बहीण योनजेममुळे सरकारी तिजोरीवर भार असल्याचं म्हटलं आहे.

काय म्हणाले मंत्री दत्तात्रय भरणे?

लाडकी बहीण योजनेमुळे शासकीय तिजोरीवर ताण आहे. हे मान्यच केलं पाहिजे. त्यामुळे थोडी पत्र द्याची कमी करा. निधी कुठून, कसा आणि केव्हा आणायचा हे मला चांगलंच माहिती आहे.

काय म्हणाले होते रामदास कदम?

शिवसेनेचे नेते रामदास कदम यांनी म्हटलं होतं की, आंथरुण पाहूनच पाय पसरावे लागतात. आज आपण लाडक्या बहीण योजनेचं बजेट पाहिलं तर 30 हजार कोटींपेक्षा जास्त आहे. या सर्व गोष्टी डोळ्यासमोर ठेवून आपल्याला विकासाची वाटलाच करायची आहे. एक लाडकी बहीण योनजा बंद केली तर आणखी 10 योजना आपल्याला सुरू करता येतील.

‘मुख्यमंत्री माझी लाडकी बहीण योजना’ सुरूच राहणार

‘मुख्यमंत्री माझी लाडकी बहीण योजना’ पुढच्या कालावधीमध्येही यशस्वीरित्या राबवण्याचे आणि चालू ठेवण्याची शासनाची भूमिका आहे. पात्र लाभार्थी महिलांवर अन्याय होऊ देणार नाही, लाडक्या बहिणींना 2100 रुपयांचा हप्ता देण्याबाबत योग्य तो निर्णय घेतला जाईल, अशी ग्वाही महिला व बालविकास मंत्री आदिती तटकरे यांनी विधानसभेत विभागाच्या पुरवणी मागण्यांवरील चर्चेला उत्तर देताना दिली.

लाडकी बहीण योजना’ बंद होणार नाही – मुख्यमंत्री

‘मुख्यमंत्री माझी लाडकी बहीण योजना’ बंद होणार नसल्याचा पुनरुच्चार मुख्यमंत्री देवेंद्र फडणवीस यांनी केला. लाडक्या बहिणींनी दिलेल्या भक्कम पाठिंब्याबद्दल त्यांनी कृतज्ञता व्यक्त केली. पुण्यश्लोक अहिल्यादेवी होळकर यांनी कल्याणकारी राज्याची निर्मिती केली. महिलांच्या सशक्तीकरणासाठी महिलांचे कल्याण आणि विकास हेच राज्य शासनाचे सर्वोच्च प्राधान्य राहील, असे मुख्यमंत्री देवेंद्र फडणवीस यांनी काही दिवसांपूर्वी विधानसभेत सांगितले.

Source link

Ladki Bahin Yojana : लाडक्या बहिणींना 2100 रुपये देऊ, पण…. उपमुख्यमंत्री अजित पवारांचं मोठं विधान

29 مارس، 2025غير مصنفAjit Pawar، Ajit Pawar on Ladki Bahin Yojana، Beneficiary women، DCM Ajit Pawar، ladki bahin yojana، Ladki Bahin Yojana Latets News، Ladki Bahin Yojana News، Ladki Bahin Yojana Updates، News News، Times Now Marathi

Ladki Bahin Yojana : लाडक्या बहिणींना 2100 देऊ, पण…. उपमुख्यमंत्री अजित पवारांचं मोठं विधान

Ajit Pawar on Ladki Bahin Yojana : महायुती सरकारची मुख्यमंत्री माझी लाडकी बहीण ही महत्वकांक्षी योजना आहे सध्या चर्चेत आहे. विधानसभा निवडणुकीपूर्वी महायुती सरकारने या योजनेचे पाच हप्ते जारी केले होते आणि त्यानंतर पुन्हा सत्तेत आल्यानंतर सरकारने ही योजना सुरू ठेवली आहे. पंरतु सत्तेत आल्यास लाडक्या बहिणींना मिळणारा लाभ 1500 वरून 2100 रुपये करून असे अश्वासन महायुतीकडून देण्यात आले होते.

मुख्यमंत्री फडणवीस काय म्हणाले होते?

मुख्यमंत्री देवेंद्र फडणवीस यांनी पद आणि गोपनियतेची शपथ घेतल्यानंतर या योजनेची रक्कम वाढवण्याबाबत आगामी अर्थसंकल्पात विचार करू असे सांगितले होते. पंरतु या अर्थसंकल्पात अशी कोणतीही घोषणा करण्यात आली नाही. त्यामुळे सरकारने लाडक्या बहिणींची दिशाभूल केल्याची टिका विरोधकांकडून करण्यात येत आहे. आता सभागृहात बोलताना उपमुख्यमंत्री अजित पवार यांनी यासंदर्भात मोठे विधान केले आहे. त्यामुळे लाडक्या बहिणींना मोठा दिलासा मिळण्याची शक्यता आहे.

2100 रुपयांबाबत काय म्हणाले अजित पवार?

लाडकी बहिण योजनेबाबत विधानसभेत बोलताना अजित पवार म्हणाले की, लाडक्या बहिणीला 2100 रुपये देणार नाही असे आम्ही म्हणालेलो नाही. आम्ही देणार आहोत. पण कधी द्यायचे हे एकंदरीत राज्याची आर्थिक परिस्थिती पाहून आम्ही नक्की देऊ. सगळी सोंग करता येतात मात्र पैशांचं सोंग करता येत नाही. सध्या आम्ही ठरवल्याप्रमाणे 1500 रुपये देत आहोत आणि पुढचीही रक्कम देण्यासंदर्भात आर्थिक परिस्थीती सुधारली की ती देऊ, असे अजित पवार म्हणाले.

आतापर्यंत एकूण 9 हाफ्त्यांचा लाभ वर्ग

विधानसभा निवडणुकीआधी एकनाथ शिंदे यांच्या नेतृत्त्वातील महायुती सरकारने मुख्यमंत्री माझी लाडकी बहीण योजना सुरू केली होती. या योजनेअंतर्गत ज्या महिलांचे वार्षिक कौटुंबिक उत्पन्न अडीच लाख रुपयांपेक्षा कमी आहे अशा कुटुंबातील दोन महिलांना राज्य सरकारकडून दरमहा 1500 रुपयांचे आर्थिक सहाय्य केले जाते. आतापर्यंत एकूण 9 हाफ्ते महिलांच्या खात्यामध्ये जमा झाले आहेत. अर्थसंकल्पात लाभाची रक्कम 2100 रुपये होईल अशी लाडक्या बहिणींना अपेक्षा होती. मात्र तसे झाले नाही. त्यामुळे या योजनेसंदर्भात प्रश्न उपस्थित केले जात होते. त्यावर अजित पवार यांनी सरकारची भूमिका स्पष्ट केली आहे.

Source link

नैनीताल तलावाच्या काठावर काशीच्या मुलाने कथ्थक सादर करून प्रेक्षकांना केले मंत्रमुग्ध, युजर्स म्हणाले…

28 مارس، 2025غير مصنفdance video، dance viral video، kathak dance، kathak dance in nainital، kathak dance in nainital lake، kathak dance on the banks of nainital lake، nainital lake، nainital lake 360 view، nainital lake view، Times Now Marathi، trending video، Viral News، viral video، व्हायरल News

नैनिताल तलावाच्या काठी कथ्थक नृत्य

Kathak Dance Viral Video: अनेक डान्स व्हिडिओ इंटरनेटवर अनेकदा व्हायरल होतात. यामध्ये, काही डान्स व्हिडिओ साधे आहेत तर काही हिप-हॉप किंवा फ्री-स्टाईल आहेत. पण आज आम्ही तुमच्यासाठी असाच एक डान्स व्हिडिओ घेऊन आलो आहोत जो खूप सुंदर आहे. खरं तर, हे कोणतेही बॉलिवूड नृत्य नाही तर आपल्या पूर्वजांचा सांस्कृतिक वारसा आहे. यूजर्सना हा व्हिडिओ खूप आवडला आहे.

सोशल मीडियावर व्हायरल होत असलेल्या या व्हिडिओमध्ये तुम्हाला नैनिताल तलावाच्या काठावर एक व्यक्ती कथक नृत्य सादर करताना दिसेल. कथक ही एक शास्त्रीय नृत्य कला आहे, जी भारताच्या सांस्कृतिक वारशात महत्त्वाचे स्थान आहे. व्हिडिओमध्ये दिसणाऱ्या व्यक्तीचे नाव आशिष सिंह आहे, जो उत्तर प्रदेशातील वाराणसी शहरातील रहिवासी आहे. मिळालेल्या माहितीनुसार, आशिष वृंदावनमध्ये राहतो आणि मुलांना कथ्थक शिकवतो.

नैनिताल तलावाच्या काठावर कथ्थक नृत्य

इंस्टाग्रामवर शेअर केलेल्या या व्हिडिओवर अनेक युजर्सनी आपल्या प्रतिक्रिया दिल्या आहेत. अशा परिस्थितीत एका यूजर्सने लिहिले आहे की, आजच्या काळातही लोकांना आपली संस्कृती आठवते. त्याच वेळी, दुसऱ्या एका यूजरने लिहिले आहे की हा खूप सुंदर नृत्य आहे. हा व्हिडिओ ‘ashish_kathak’ नावाच्या अकाउंटवरून शेअर करण्यात आला आहे, ज्याला आतापर्यंत शेकडो व्ह्यूज मिळाले आहेत.

Source link

Ladki Bahin Yojana: लाडक्या बहिणींना लवकरच 2100 रुपये मिळणार! उपमुख्यमंत्री एकनाथ शिंदे यांचं मोठं विधान

27 مارس، 2025غير مصنفBeneficiary women، DCM Eknath Shinde، Eknath Shinde، Eknath Shinde on Ladki Bahin Yojana، ladki bahin yojana، Ladki Bahin Yojana Latets News، Ladki Bahin Yojana News، Ladki Bahin Yojana Updates، News News، Times Now Marathi

Ladki Bahin Yojana: लाडक्या बहिणींना लवकरच 2100 रुपये मिळणार! उपमुख्यमंत्री एकनाथ शिंदे यांचं मोठं विधान

Eknath Shinde on Ladki Bahin Yojana: महायुती सरकारची महत्त्वकांक्षी मुख्यमंत्री लाडकी बहीण योजनेबाबत एक मोठी अपेड समोर आली आहे. उपमुख्यमंत्री अजित पवार यांच्यानंतर आता उपमुख्यमंत्री एकनाथ शिंदे यांनी देखील लाडकी बहीण योजनेसंदर्भात मोठे विधान केले आहे. माहायुती सरकार सत्तेत आल्यास लाडक्या बहिणींना 2100 रुपये देऊ असे अश्वासन महायुतीकडून देण्यात आले होते. परंतु सरकार सत्तेत येऊनही अद्याप लाडक्या बहिणींच्या लाभाची रक्कम 1500 हून 2100 रुपये करण्यात आलेली नाही. अर्थसंकल्पात यासंदर्भात घोषणा होईल अशी लाभार्थी महिलांना अपेक्षा होती. पंरतु सरकारने अशी कोणतीही घोषणा केलेली नाही.

दरम्यान आता लाडक्या बहिणींना 2100 रुपये मिळणार की नाही असा प्रश्न सतत उपस्थित केला जात आहे. यासंदर्भात उपमुख्यमंत्री एकनाथ शिंदे यांनी मोठं वक्तव्य केलं आहे. राज्याची अर्थव्यवस्था लवकरच सुधारेल आणि लवकरच आम्ही लाडक्या बहिणींना 2100 रूपये देवू, असे एकनाथ शिंदे म्हणाले आहेत. लाडक्या बहिणींना सध्या प्रत्येक महिन्यात 1500 रुपयाचे आर्थिक सहाय्य केले जाते. राज्याची आर्थिक परिस्थिती सुधारल्यावर 2100 रुपये देऊ असे वक्तव्य उपमुख्यमंत्री एकनाथ शिंदे यांनी केले आहे.

अजित पवार विधानसभेत बोलताना काय म्हणाले?

लाडकी बहिण योजनेअंतर्गत 2100 रुपये कधी मिळणार यासंदर्भात विचारण्यात आलेल्या प्रश्नांना उत्तर देताना उपमुख्यमंत्री अजित पवार यांनी विधानसभेत उत्तर दिले आहे. अजित पवार म्हणाले की, “आम्ही लाडक्या बहिणीला 2100 रुपये देणार नाही, असे आम्ही म्हणालेलो नाही. आम्ही देणार आहोत. पण कधी द्यायचे हे एकंदरीत राज्याची आर्थिक परिस्थिती पाहून आम्ही नक्की देऊ. सगळी सोंग करता येतात मात्र पैशांचं सोंग करता येत नाही. सध्या आम्ही ठरवल्याप्रमाणे 1500 रुपये देत आहोत आणि पुढचीही रक्कम देण्यासंदर्भात आर्थिक परिस्थीती सुधारली की ती देऊ.”

अडीच लाखांपेक्षा कमी उत्पन्न असलेल्या महिलांना लाभ

वार्षिक कौटुंबिक उत्पन्न अडीच लाख रुपयांपेक्षा कमी असलेलल्या महिलांसाठी एकनाथ शिंदे यांच्या नेतृत्वातील महायुती सरकारने लाडकी बहीण योजना सुरू केली होती. या योजनेंतर्गत अडीच लाखांपेक्षा कमी उत्पन्न असलेल्या कुटुंबातील दोन महिलांना राज्य सरकारकडून दरमहा 1500 रुपयांचे आर्थिक सहाय्य केले जाते. आतापर्यंत एकूण 9 हाफ्ते महिलांच्या खात्यामध्ये जमा झाले आहेत. अर्थसंकल्पात लाभाची रक्कम 2100 रुपये होईल अशी लाडक्या बहिणींना अपेक्षा होती. मात्र तसे झाले नाही. त्यामुळे या योजनेसंदर्भात प्रश्न उपस्थित केले जात होते. त्यावर अजित पवार आणि एकनाथ शिंदे यांनी सरकारची भूमिका स्पष्ट केली आहे.

Source link